पाचोरा पिपल्स बँकेचे उद्या 12 जानेवारी रविवारी रोजी मतदान

पाचोरा – पाचोरा पीपल्स को-ऑपरेटिव्ह बँकेची 12 जानेवारी रविवार रोजी सार्वत्रिक निवडणुकीसाठी मतदान होत आहे. या निवडणुकीचा प्रचार थंडावला असून दोन पॅनलमध्ये चुरशीची लढत होणार असल्याचे चित्र आहे . बँकेच्या या निवडणुकीत एकूण 15 जागांसाठी 32 उमेदवार मैदानात आहे यात सर्वसाधारण गटात 2 पॅनल व्यतिरिक्त दोन अपक्ष उमेदवारांनी आपली उमेदवारी कायम ठेवली आहे. सर्वसाधारण मतदारसंघात 10 जागांसाठी 22 उमेदवार रिंगणात आहेत इतर मागासवर्गीय मतदारसंघ, अनुसूचित जाती जमाती मतदारसंघ, भटक्या विमुक्त जाती मतदारसंघातून प्रत्येकी दोन उमेदवार समोरासमोर लढत आहे. महिला राखीव मतदारसंघात २ जागांसाठी ४ महिला उमेदवार रिंगणात आहे. मागील वर्षी सात संचालकांनी राजीनामा दिल्यामुळे अल्पमतात संचालक मंडळ आल्याने बरखास्त करून प्रशासकाची नियुक्ती करण्यात आली होती. या निवडणुकीत जामनेर पाचोरा भडगाव तालुक्याचे लक्ष लागून आहे.