लाॅकडाउन काळात दिव्यांग कर्मचाऱ्यांना कार्यालय उपस्थितीत सुट – प्रहार दिव्यांग कर्मचारी संघटनेला यश

भडगाव – प्रहार दिव्यांग शासकीय निमशासकीय कर्मचारी व अधिकारी संघटनेने कोरोना चा वाढता प्रादुर्भाव पाहता व दिव्यांग कर्मचारींची रोगप्रतिकारक शक्ती इतरांच्या तुलनेत कमी असते म्हणून मुख्यमंत्री उद्धवजी ठाकरे, सामाजिक न्याय व विशेष सहाय्य विभाग मंत्री धनंजय मुंडे, राज्यमंत्री व प्रहार संघटनेचे अध्यक्ष- बच्चू कडू यांना निवेदन सादर केले होते, सदर निवेदनाची दखल घेत आज सामाजिक न्याय व विशेष सहाय्य विभाग, मंत्रालय मुंबई यांनी कोरोना चा वाढता प्रसार पाहता दिव्यांग कर्मचारी व अधिकारी यांना कार्यालयात उपस्थित राहण्यापासून सुट व वर्क फ्राॅम होम चे आदेश सर्व कार्यालयांना दिले आहेत .त्याचप्रमाणे दिव्यांग व्यक्तींना कोरोना टेंस्टिंग, उपचार व लसीकरण मध्ये प्राधान्य देण्याबाबत ही शासनाने आदेश दिले आहेत या निर्णयामुळे राज्यातील सर्व दिव्यांग कर्मचारी व अधिकारी यांनी प्रहार संघटनेचे धडाडीचे राज्याध्यक्ष- रविंद्र सोनवणे, राज्य सचिव भक्ती भंडारी , राज्य सदस्य विवेक पाटील व सर्व राज्य पदाधिकारींचे कौतुक केले.
जेव्हा जेव्हा दिव्यांग कर्मचारींवर अन्याय,अपमानास्पद वागणूक, दुजाभाव केला जाईल तेव्हा तेव्हा प्रहार दिव्यांग शासकीय- निमशासकीय कर्मचारी व अधिकारी संघटना मुंबई ११ चे सर्व पदाधिकारी दिव्यांग कर्मचारींच्या पाठीशी भक्कम उभे राहतील व दिव्यांग कर्मचारींना त्यांचे हक्क ,न्याय मिळवून देतील, असे प्रतिपादन संघटनेचे युवा राज्याध्यक्ष रविंद्र सोनवणे यांनी ध्येय न्युज शी बोलताना स्पष्ट केले.