Breaking

पाचोरा-भडगाव तालुक्यात झालेल्या नुकसानीचा घेतला आढावा
   नुकसान भरपाईसाठी  तातडीने पंचनामे करणे साठी  आढावा बैठकीत आ. किशोरआप्पांच्या सूचना

0

पाचोरा – भडगाव तालुक्यात पाऊस यंदा कमी असली तरी मराठवाडा व चाळीसगाव परिसरात ढगफुठी सारखी सदृष्य परिस्थीतीमुळे पावसाने थैमान घातले परिणामतः नदी-नाल्यांना कधी नव्हे एवढा पूर आला असून या पुरामुळे  पाचोरा व भडगाव तालुक्याला मोठे नुकसान बसले आहे. या पूरग्रस्त भागाची

आ. किशोरआप्पा पाटील यांनी   प्रांताधिकाऱ्यांसह विविध विभागाच्या अधिकाऱ्यांसोबत  बुधवार ता 1 रोजी पाहणी केली.

नगरदेवळा व कजगाव भागातील रस्ते व पूल जमीनदोस्त झाल्याने सर्व भागाची पाहणी करणे शक्य झाले नाही. एकूणच परिस्थितीचा आढावा घेण्यासाठी गुरुवार ता 2 रोजी दुपारी प्रांताधिकारी कार्यालयाच्या सभागृहात आढावा बैठक घेण्यात आली.


  यावेळी आढावा बैठकीच्या प्रारंभी तहसीलदार कैलास चावडे यांनी पाचोरा व भडगाव तालुक्यातील पूरग्रस्त स्थितीचा लेखाजोखा मांडतांना पाचोरा व भडगाव तालुक्यात सुमारे 50 घरांचे नुकसान झाले असून 200 हेक्टर शेतीला पुराचा तडाखा बसून रस्ते,पूल,पाणी पुरवठयाच्या विहिरी अशा शासकिय मालमत्तेचेही  लाखो रुपयांचे नुकसान झाल्याचे स्पष्ट केले.


      शासनाच्या निकषानुसार पुरेशी भरपाई मिळाली नाही तर भरपाईसाठी कोकण पॅटर्न राबविण्यासाठी प्रयत्नशील राहु नुकसानीचे पंचनामे घेऊन

शुक्रवार ता 3 रोजी आदरणीय मुख्यमंत्र्यांसमोर परिस्थितीचे गांभीर्य मांडून कोकण पॅटन प्रमाणे भरपाई बाबत हट्ट & साकडे घालणार असल्याचे आमदार किशोरआप्पा पाटील यांनी आढावा बैठकीत स्पष्ट केले.

तसेच सर्व विभागाच्या अधिकाऱ्यांना सतर्क राहण्याचे व कोणीही भरपाई पासून वंचित राहू नये असे सूचित केले.
  या बैठकीस प्रांताधिकारी डॉ विक्रम बांदलसाहेब तहसीलदार कैलास चावडेसाहेब, नायब तहसीलदार मुकेश हिवाळे  साहेब, मुख्याधिकारी शोभाताई बाविस्कर, पोलीस निरीक्षक किसनराव नजन पाटील साहेब ,वीज मंडळाचे श्याम रासकरसाहेब, शिरसाटसाहेब, नायब तहसीलदार विकास लाडवंजारीसाहेब , तालुका आरोग्य अधिकारी डॉ समाधान वाघसाहेब, गटविकास अधिकारी आर ओ वाघ साहेब ए जी शेलार, बांधकाम विभागाचे दीपक पाटील साहेब भडगाव न. पा.मुख्याधिकारी रवींद्र लांडसाहेब  स्वीय सहाय्यक राजेश पाटील यांचेसह  विविध विभागाचे प्रमुख अधिकारी उपस्थित होते.

LEAVE A REPLY

Please enter your comment!
Please enter your name here