पाचोरा — “आंतरराष्ट्रीय योग दिन” या विशेष दिनाचे औचित्य साधून भारतीय जनता पार्टी पाचोरा शहराच्या वतीने मोठ्या उत्साहात आणि नियोजनबद्ध पद्धतीने सदस्य नोंदणी अभियानास सुरुवात करण्यात येणार आहे. दिनांक २१ जून शनिवार रोजी या उपक्रमांचे आयोजन करण्यात आले असून, त्याची सुरुवात सकाळी ९ वाजता मा. आमदार भाऊसो. दिलीप वाघ यांच्या निवासस्थानी होणाऱ्या कार्यकर्ता शिबिराने होणार आहे. त्यानंतर सकाळी १० वाजता छत्रपती शिवाजी महाराज चौकात भारतीय जनता पार्टी सदस्य नोंदणी अभियानाचा अधिकृत शुभारंभ करण्यात येणार आहे. या अभियानाच्या प्रारंभप्रसंगी मा. आमदार भाऊसो. दिलीप वाघ यांच्या नेतृत्वात भाजपचे विविध प्रमुख पदाधिकारी, कार्यकर्ते व स्थानिक नागरिक मोठ्या संख्येने उपस्थित राहणार असून, हा उपक्रम प्रबळ जनसंपर्क, संघटन मजबुती आणि नवमुलांची भरती याकरिता महत्त्वाचा टप्पा ठरणार आहे.
भारतीय जनता पार्टीने देशभरात सुरू केलेल्या सदस्य नोंदणी अभियानाचा भाग म्हणून पाचोऱ्यातील या कार्यक्रमाची विशेष योजना आखण्यात आली आहे. सामान्य नागरिकांपर्यंत पक्षाच्या धोरणांचा प्रसार, भाजप सरकारच्या कार्यकाळातील विकासकामांची माहिती, आणि नव्या सदस्यांना संघटनेत सामावून घेणे हा प्रमुख उद्देश असून, कार्यकर्ता शिबिरातून संघटनात्मक बांधणी अधिक मजबूत होईल, असा विश्वास आयोजक व्यक्त करत आहेत.
कार्यकर्ता शिबिरात भाजपचे ध्येय, कार्यपद्धती, तळागाळातील जनतेशी संवाद कसा साधावा, समाजमाध्यमांचा प्रभावी वापर, आणि मतदारांशी विश्वासाचे बंध निर्माण करण्याच्या तांत्रिक गोष्टींवर भर दिला जाणार आहे. या शिबिराद्वारे नवोदित कार्यकर्त्यांमध्ये नवचैतन्य निर्माण होणार असून, जुन्या कार्यकर्त्यांना नव्या पद्धतीने कार्य कसे करावे याचे मार्गदर्शन मिळणार आहे २१ जून हा “आंतरराष्ट्रीय योग दिन” म्हणून जगभर साजरा केला जातो. आरोग्य आणि अध्यात्माची कास धरत, शरीर व मन यांची एकात्मता साधणाऱ्या योगशास्त्राचे महत्त्व अधोरेखित करत भारतीय जनता पार्टीने सदस्य नोंदणी अभियानाची सुरुवात याच दिवशी करण्याचा निर्णय घेतलेला आहे. योग दिनाच्या निमित्ताने ‘शरीर सुदृढ, संघटना बळकट’ असा दुहेरी उद्देश या उपक्रमामागे असल्याचे पक्षाच्या वतीने सांगण्यात आले आहे. देशात व राज्यात भारतीय जनता पक्षाच्या नेतृत्वाखाली विविध योजनांच्या माध्यमातून ग्रामीण व शहरी भागातील जनतेसाठी केलेली कामगिरी पाहता, पक्षाची लोकप्रियता वाढत आहे. याच पार्श्वभूमीवर पाचोरा शहरातील नागरिकांचा भाजपकडे कल मोठ्या प्रमाणावर वाढताना दिसत आहे. अशा नागरिकांना पक्षात सामावून घेण्यासाठी सदस्य नोंदणी ही एक उत्तम संधी असून, याचा लाभ घेण्यासाठी नागरिकांनी पुढे यावे, असे आवाहन करण्यात आले आहे.पाचोऱ्यात भारतीय जनता पार्टीच्या विद्यमान व भविष्याच्या जडणघडणीत आमदार भाऊसो. दिलीप वाघ यांचे नेतृत्व अत्यंत महत्त्वाचे ठरणार आहे. त्यांच्या माध्यमातून भाजप संघटन व विकार कामांची गती वाढली असून, सामाजिक प्रश्नांवर प्रभावी भूमिका घेतली जात आहे. त्यांचे मार्गदर्शन कार्यकर्त्यांना सदैव प्रेरणादायी ठरणार आहे या अभियानाद्वारे त्यांनी भाजपच्या सर्व जुन्या कार्यकर्त्यांना व पक्ष पदाधिकाऱ्यांना सोबत घेऊन पक्ष संघटनाची व्याप्ती अधिक वाढविण्यासाठी स्वतः पुढाकार घेतल्यामुळे कार्यकर्त्यांमध्ये नवचैतन्य निर्माण झाले आहे
या अभियानात पाचोरा तालुका – शहर भारतीय जनता पार्टीचे सर्व पदाधिकारी, युवा मोर्चा, महिला मोर्चा, व्यापारी आघाडी, ओबीसी मोर्चा, अनुसूचित जाती-जमाती आघाडी, अल्पसंख्याक मोर्चा, व वरिष्ठ सल्लागार मंडळ यांचा सक्रीय सहभाग असणार आहे. त्याचप्रमाणे, माजी नगरसेवक, सरपंच, उपसरपंच, व आजी-माजी पदाधिकारीही उपस्थित राहून या अभियानाची व्याप्ती अधिक व्यापक करणार आहेत. या अभियानामध्ये सदस्य नोंदणीसाठी डिजीटल प्लॅटफॉर्मचा उपयोग करण्यात येत असून, प्रत्येक नव्या सदस्याची नोंदणी मोबाईल अ‍ॅपद्वारे अथवा संकेतस्थळाद्वारे थेट राष्ट्रीय स्तरावर केली जाणार आहे. त्यामुळे सदस्य नोंदणीची प्रक्रिया पारदर्शक, जलद व तांत्रिकदृष्ट्या सुसज्ज ठरणार आहे.
या अभियानामध्ये भारतीय जनता पार्टीचा विचार, विकासात्मक दृष्टिकोन, आणि देशहिताचे निर्णय यांमध्ये रुची असणाऱ्या प्रत्येक नागरिकाने सहभागी व्हावे, सदस्यत्व घेऊन एक जबाबदार नागरिक म्हणून राष्ट्रनिर्मितीच्या प्रवासात सहभागी व्हावे, असे आवाहन भारतीय जनता पार्टी पाचोरा यांच्या वतीने करण्यात आले आहे.
या उपक्रमाच्या माध्यमातून केवळ राजकीय सदस्य नोंदणी एवढ्यापुरतेच कार्य मर्यादित न ठेवता, सामाजिक सलोखा, जनजागृती, आणि योग व आरोग्य या विषयांबाबतही लोकांमध्ये संदेश पोहोचवण्याचा प्रयत्न होणार आहे. पक्षाच्या माध्यमातून एक जागरूक, सशक्त आणि संघटित समाजनिर्मितीचा संकल्प यातून पूर्णत्वाकडे जाईल, असा विश्वासहही पाचोरा भाजप व्यक्त केला आहे.
यासाठी एकत्र येऊ या, संघटित होऊ या, आणि सक्षम भारतासाठी भाजप सदस्य होऊ या हा संकल्प केला आहे
ध्येय न्यूज चॅनेलच्या बातम्या मिळवण्यासाठी येथे क्लिक करून आमचा व्हाट्सअप ग्रुप जॉईन करा.
