पाचोरा-भडगाव विधानसभा मतदारसंघाच्या राजकारणात गेल्या काही दिवसांपासून एका नव्या नावाची जोरदार चर्चा सुरू झाली असून शिवसेना शिंदे गटाचे हॅट्रिक आमदार तथा भावी मंत्री म्हणून ओळख निर्माण करणारे किशोरआप्पा पाटील यांचे सुपुत्र, पाचोरा नगरपालिका शिवसेना गटनेते तथा नगरसेवक सुमित किशोरआप्पा पाटील आता राज्याच्या राजकारणात मोठी झेप घेण्याच्या तयारीत असल्याचे चित्र निर्माण झाले आहे. विशेषतः स्थानिक स्वराज्य संस्था मतदारसंघाचे आमदार अर्थात विधानपरिषद सदस्य म्हणून त्यांचे नाव पुढे येत असल्यामुळे राजकीय वर्तुळात विविध तर्क-वितर्कांना उधाण आले आहे. विशेष म्हणजे या चर्चेचा केंद्रबिंदू केवळ राजकीय वारसा नसून सुमित किशोरआप्पा पाटील यांनी अल्पावधीत निर्माण केलेली स्वतःची वेगळी ओळख हा ठरत आहे. सुमित किशोरआप्पा पाटील हे केवळ आमदार पुत्र म्हणून नव्हे तर मितभाषी, नम्र आणि सर्वसामान्य कार्यकर्त्यांशी आत्मीयतेने जोडलेले नेतृत्व म्हणून ओळखले जातात. त्यांच्या स्वभावातील साधेपणा आणि लोकांशी 24×7 ठेवलेला थेट संपर्क हीच त्यांची खरी ताकद मानली जाते. राजकारणात आक्रमक वक्तव्ये किंवा दिखाऊपणापेक्षा शांतपणे काम करून परिणाम साधण्याची त्यांची शैली अनेकांना भावत आहे. त्यामुळेच युवकांमध्ये त्यांच्याबद्दल विशेष आकर्षण निर्माण झाले असून पाचोरा शहरासह संपूर्ण मतदारसंघात ते युवकांच्या हृदयावर राज्य करणारे सर्वात कमी वयाचे प्रभावी नेतृत्व म्हणून पुढे येत आहेत. राजकीय क्षेत्रात अनेकदा पदामुळे किंवा वडिलांच्या नावाने ओळख निर्माण होते, मात्र सुमित किशोरआप्पा पाटील यांच्या बाबतीत जनसंपर्क आणि जनसेवा हीच त्यांची खरी ओळख ठरत आहे. विविध सामाजिक उपक्रम, नागरिकांच्या अडचणी सोडविण्यासाठी घेतलेली धावपळ, युवकांना रोजगार व मार्गदर्शनासाठी दिलेले सहकार्य, धार्मिक-सांस्कृतिक कार्यक्रमांमध्ये असलेला सक्रिय सहभाग यामुळे त्यांनी लोकांच्या मनात विश्वासाचे स्थान निर्माण केले आहे. अनेकदा नागरिकांच्या छोट्या-मोठ्या समस्या ऐकून त्या प्रशासनापर्यंत पोहोचविण्याचे काम त्यांनी सातत्याने केले असून त्यामुळेच त्यांच्या संपर्कात आलेल्या प्रत्येक व्यक्तीला आपलेपणाची भावना जाणवते. विशेष म्हणजे अनेक राजकीय निरीक्षकांच्या मते सुमित किशोरआप्पा पाटील यांचा जनसंपर्क हा त्यांच्या पिताश्री आमदार किशोरआप्पा पाटील यांच्यापेक्षाही अधिक व्यापक आणि गतिमान असल्याचे दिसून येत आहे. किशोरआप्पा पाटील यांनी मतदारसंघात दीर्घकाळ मेहनत घेत मजबूत राजकीय पाया उभा केला, तर त्या पायावर नव्या पिढीशी जोडणारा संवाद आणि आधुनिक राजकीय शैली सुमित किशोरआप्पा पाटील यांनी निर्माण केली आहे. त्यामुळेच तरुण कार्यकर्त्यांमध्ये त्यांच्याबद्दल विशेष आत्मीयता निर्माण झाली असून अनेक युवक त्यांना भविष्यातील मोठे नेतृत्व म्हणून पाहू लागले आहेत. पाचोरा नगरपालिका शिवसेना गटनेते म्हणून काम करताना त्यांनी शहरातील विविध प्रश्नांवर आक्रमक पण संयमी भूमिका घेतली. पाणीपुरवठा, रस्ते, स्वच्छता, नागरिक सुविधा, युवकांसाठी क्रीडा आणि सामाजिक उपक्रम अशा अनेक विषयांवर त्यांनी सातत्याने पाठपुरावा केला आहे. यामुळे स्थानिक राजकारणात त्यांचे स्वतंत्र अस्तित्व निर्माण झाले आहे. अनेक वेळा रात्री-अपरात्री नागरिकांच्या 24×7 मदतीसाठी धावून जाणारे नेतृत्व म्हणूनही त्यांची प्रतिमा तयार झाली आहे. त्यामुळे त्यांच्या नावाभोवती निर्माण झालेली लोकप्रियता ही केवळ राजकीय प्रचारापुरती मर्यादित नसून जनतेच्या प्रत्यक्ष अनुभवातून तयार झालेली असल्याचे बोलले जात आहे. दरम्यान, स्थानिक स्वराज्य संस्था मतदारसंघाचे आमदार म्हणून विधानपरिषदेत पाठविण्यासाठी त्यांचे नाव चर्चेत येण्यामागे अनेक राजकीय गणिते देखील असल्याचे मानले जात आहे. आगामी काळात राज्याच्या राजकारणात युवा चेहऱ्यांना संधी देण्याची शक्यता लक्षात घेता सुमित किशोरआप्पा पाटील यांच्याकडे गंभीरतेने पाहिले जात आहे. शिवसेना संघटन मजबूत ठेवताना स्थानिक स्तरावर प्रभावी संपर्क राखणारे नेतृत्व म्हणून त्यांनी स्वतःला सिद्ध केले आहे. त्यामुळेच भविष्यात त्यांना स्थानिक स्वराज्य संस्था मतदारसंघातून विधानपरिषदेत मोठी जबाबदारी दिली जाऊ शकते, अशी चर्चा कार्यकर्त्यांमध्ये रंगू लागली आहे. किशोरआप्पा पाटील यांनी देखील गेल्या काही महिन्यांत मतदारसंघात संघटनात्मक हालचालींना वेग दिला असून त्यामागे भविष्यातील मोठे राजकीय नियोजन असल्याचे बोलले जात आहे. विविध गावांमध्ये वाढलेला संपर्क, कार्यकर्त्यांच्या बैठका, युवकांशी साधला जाणारा संवाद आणि स्थानिक पातळीवरील समन्वय यामुळे राजकीय वातावरण अधिकच उत्सुकतेचे बनले आहे. राजकारणात केवळ वारसा पुरेसा नसतो, त्यासाठी लोकांमध्ये विश्वास निर्माण करावा लागतो. सुमित किशोरआप्पा पाटील यांनी अल्पावधीत तो विश्वास संपादन केल्याचे अनेक जाणकार मानतात. विशेषतः युवक, व्यापारी, सामाजिक कार्यकर्ते आणि सर्वसामान्य नागरिकांमध्ये त्यांच्याबद्दल सकारात्मक भावना निर्माण झाल्याचे चित्र आहे. मतदारसंघातील अनेक भागांमध्ये त्यांची वाढती लोकप्रियता ही भविष्यातील राजकीय समीकरणे बदलणारी ठरू शकते, असे मत व्यक्त केले जात आहे. आता आगामी काळात शिवसेना पक्षश्रेष्ठींकडून कोणते संकेत मिळतात, किशोरआप्पा पाटील कोणती रणनीती आखतात आणि सुमित किशोरआप्पा पाटील यांच्या स्थानिक स्वराज्य संस्था मतदारसंघातून विधानपरिषद प्रवेशाच्या चर्चांना अधिकृत स्वरूप मिळते का याकडे संपूर्ण जिल्ह्याचे लक्ष लागले आहे. मात्र एक गोष्ट निश्चित मानली जात आहे की, पाचोरा-भडगावच्या राजकारणात सध्या सर्वाधिक चर्चेत असलेले आणि युवकांच्या मनात वेगाने स्थान निर्माण करणारे नाव म्हणजे सुमित किशोरआप्पा पाटील होय.
ध्येय न्यूज चॅनेलच्या बातम्या मिळवण्यासाठी येथे क्लिक करून आमचा व्हाट्सअप ग्रुप जॉईन करा.
