पाचोरा : गुणवत्तापूर्ण शिक्षण, संस्कारमूल्ये आणि विद्यार्थ्यांच्या सर्वांगीण विकासाचा ध्यास घेत कार्यरत असलेल्या जयकिरण प्रभाजी शैक्षणिक व सामाजिक संस्था संचलित न्यू इंग्लिश मीडियम स्कूलमध्ये शैक्षणिक वर्ष २०२६-२७ ची सुरुवात उत्साहपूर्ण आणि आनंददायी वातावरणात करण्यात आली. नव्या शैक्षणिक वर्षाच्या पहिल्याच दिवशी शाळेचा परिसर विद्यार्थ्यांच्या किलबिलाटाने, पालकांच्या उत्सुकतेने आणि शिक्षकांच्या स्वागतशील वातावरणाने भारावून गेला होता. सुट्टीनंतर पुन्हा एकदा शाळेच्या दालनात परतलेल्या विद्यार्थ्यांच्या चेहऱ्यावरील आनंद आणि नवीन प्रवेशित विद्यार्थ्यांच्या डोळ्यांतील कुतूहल यामुळे संपूर्ण परिसरात सकारात्मक ऊर्जा निर्माण झाल्याचे चित्र पाहायला मिळाले. शैक्षणिक वर्षाच्या प्रारंभासाठी शाळा प्रशासनाने नियोजनबद्ध तयारी केली होती. विद्यार्थ्यांना सुरक्षित, स्वच्छ आणि प्रेरणादायी वातावरण मिळावे यासाठी शाळेच्या परिसराची स्वच्छता, वर्गखोल्यांची आकर्षक सजावट, पिण्याच्या स्वच्छ पाण्याची व्यवस्था, शैक्षणिक साहित्याची उपलब्धता तसेच इतर मूलभूत सुविधांची तपासणी करून सर्व बाबींची पूर्तता करण्यात आली. विद्यार्थ्यांच्या स्वागतासाठी विशेष उपक्रमांचे आयोजन करण्यात आले होते. नवीन विद्यार्थ्यांना शाळेची ओळख करून देताना शैक्षणिक धोरण, नियमावली, विविध उपक्रम, अभ्यासक्रमाची रूपरेषा तसेच शाळेच्या वैशिष्ट्यपूर्ण सुविधा यांची सविस्तर माहिती देण्यात आली. विद्यार्थ्यांमध्ये शिक्षणाविषयी सकारात्मक दृष्टिकोन निर्माण व्हावा आणि त्यांच्या व्यक्तिमत्त्व विकासाला चालना मिळावी या उद्देशाने वर्षभर राबविण्यात येणाऱ्या विविध शैक्षणिक, सांस्कृतिक, क्रीडा, विज्ञान, पर्यावरण व सामाजिक उपक्रमांची माहितीही यावेळी देण्यात आली. केवळ पाठ्यपुस्तकापुरते शिक्षण मर्यादित न ठेवता विद्यार्थ्यांमध्ये नेतृत्वगुण, सर्जनशीलता, आत्मविश्वास, सामाजिक जाणीव आणि स्पर्धात्मक वृत्ती विकसित करण्यासाठी शाळा सातत्याने प्रयत्नशील राहणार असल्याचे प्रशासनाकडून स्पष्ट करण्यात आले. शाळेच्या मुख्याध्यापिका पुष्पलता पाटील आणि सीईओ अतुल चित्ते यांनी विद्यार्थ्यांना नवीन शैक्षणिक वर्षासाठी शुभेच्छा देत नियमित उपस्थिती, वेळेचे नियोजन, शिस्तबद्ध वर्तन आणि सातत्यपूर्ण अभ्यास यांचे महत्त्व अधोरेखित केले. पालकांनीदेखील विद्यार्थ्यांच्या शैक्षणिक प्रवासात सक्रिय सहभाग नोंदवावा, मुलांना वेळेवर शाळेत पाठवावे तसेच आवश्यक शैक्षणिक साहित्य व गणवेशासह उपस्थित राहण्यास प्रोत्साहन द्यावे, असे आवाहन करण्यात आले. विद्यार्थ्यांनी आपल्या ध्येयांप्रती कटिबद्ध राहून ज्ञानार्जनाच्या माध्यमातून उज्ज्वल भविष्य घडवावे, अशी अपेक्षाही यावेळी व्यक्त करण्यात आली. या यशस्वी उपक्रमासाठी संस्थेचे अध्यक्ष दिनेश बोथरा, उपाध्यक्षा गौरी कुलकर्णी, सचिव जीवन जैन, सहसचिव संजय बडोला, खजिनदार जगदीश खिलोशिया, स्कूल कमिटी चेअरमन लालचंद केसवाणी, स्कूल कमिटी सचिव रितेश ललवाणी, संचालक संजय चोरडीया, गुलाब राठोड, गोपाल पटवारी, प्रिती जैन, संगिता बोथरा, महेंद्रकुमार हिरण, अशोककुमार मोर आणि शेखरकुमार धाडीवाल यांच्या मार्गदर्शनाखाली विविध नियोजनात्मक कामे पार पडली. तसेच शाळेच्या मुख्याध्यापिका पुष्पलता पाटील व सीईओ अतुल चित्ते यांच्या नेतृत्वाखाली निर्मला पाटील, प्रतिभा मोरे, रुपाली जाधव, प्रिती शर्मा, पुजा पाटील, ज्योती बडगुजर, कविता जोशी, अश्विनी पाटील, भाग्यश्री ब्राम्हणकर, विद्या थेपडे, शितल महाजन, स्मिता देशमुख, किशोरी साळुंखे, वाल्मिक शिंदे, किरण बोरसे, शालिनी महाजन, रुक्मिणी कासार, मंदास्मिता पाटील, उज्वला पाटील, हर्षा वाधवा, सानिका पाटील, निवृत्ती तांदळे, कृष्णा शिरसाठ, आनंद दायमा, मनोज बडगुजर, सुनिता शिंपी, शितल पाटील, उज्वला गायकवाड, शिवाजी पाटील आणि विकास मोरे यांनी विद्यार्थ्यांच्या स्वागतापासून ते सर्व व्यवस्थापनापर्यंत प्रत्येक बाबीत परिश्रमपूर्वक योगदान दिले. पहिल्याच दिवशी विद्यार्थी, पालक आणि शिक्षक यांच्यात निर्माण झालेला उत्साह आगामी शैक्षणिक वर्षासाठी प्रेरणादायी ठरला. ज्ञान, संस्कार आणि प्रगतीचा त्रिवेणी संगम घडविण्याचा संकल्प करत न्यू इंग्लिश मीडियम स्कूलने नव्या शैक्षणिक वर्षाची दमदार सुरुवात केली असून आगामी काळात विद्यार्थ्यांच्या सर्वांगीण विकासासाठी अनेक नाविन्यपूर्ण उपक्रम राबविण्याचा निर्धार व्यक्त करण्यात आला. विद्यार्थ्यांच्या उज्ज्वल भवितव्यासाठी समर्पित असलेल्या या शैक्षणिक संस्थेच्या प्रयत्नांमुळे शिक्षण क्षेत्रात नवे आदर्श निर्माण होतील, असा विश्वास पालक आणि उपस्थित मान्यवरांनी व्यक्त केला. नवीन शैक्षणिक वर्षाचा पहिला दिवस आनंद, उत्साह, शिस्त आणि सकारात्मक ऊर्जेच्या वातावरणात साजरा होत विद्यार्थ्यांच्या शैक्षणिक प्रवासाला प्रेरणादायी प्रारंभ मिळाला.
ध्येय न्यूज चॅनेलच्या बातम्या मिळवण्यासाठी येथे क्लिक करून आमचा व्हाट्सअप ग्रुप जॉईन करा.
