ऐनपूर: सरदार वल्लभभाई पटेल कला व विज्ञान महाविद्यालयात “सरदार” या वार्षिक नियतकालिकाचे प्रकाशन मोठ्या उत्साहात संपन्न झाले. हा सोहळा आमदार मा. चंद्रकांत पाटील यांच्या हस्ते व मुक्ताईनगर-फैजपूर विभागीय प्रांताधिकारी श्री बबनराव काकडे यांच्या प्रमुख उपस्थितीत पार पडला. या कार्यक्रमात सरदार वल्लभभाई पटेल यांच्या प्रतिमेचे पूजन करून त्यांच्या कार्याचा गौरव करण्यात आला.
कार्यक्रमाच्या अध्यक्षस्थानी ऐनपूर परिसर शिक्षण प्रसारक मंडळाचे अध्यक्ष मा. श्री भागवतभाऊ पाटील हे होते. त्यांनी आपल्या भाषणातून विद्यार्थ्यांना सरदार वल्लभभाई पटेल यांच्या देशसेवेचा आदर्श घेण्याचे आवाहन केले. यावेळी प्रमुख पाहुणे म्हणून ऐनपूर परिसर शिक्षण प्रसारक मंडळाचे चेअरमन मा. श्री श्रीराम नारायण पाटील, संस्थेचे सचिव मा. श्री संजयभाऊ पाटील, उपाध्यक्ष मा. रामदास महाजन, तसेच महाविद्यालयाचे प्राचार्य डॉ. जे. बी. अंजने उपस्थित होते कार्यक्रमाच्या सुरुवातीला पाहुण्यांच्या हस्ते दीपप्रज्वलन करण्यात आले. यानंतर “सरदार” नियतकालिकाचे प्रकाशन करण्यात आले. नियतकालिकाच्या संपादन समितीने विद्यार्थ्यांच्या सृजनशीलतेला प्रोत्साहन देण्यासाठी केलेल्या प्रयत्नांचे कौतुक उपस्थितांनी केले. या नियतकालिकामध्ये विद्यार्थ्यांनी लिहिलेल्या विविध लेख, कविता आणि कलाकृतींमुळे त्यांच्या विचारांची अभिव्यक्ती दिसून येते.
कार्यक्रमादरम्यान, प्राचार्य डॉ. जे. बी. अंजने यांनी महाविद्यालयाच्या प्रगतीचा आढावा घेतला. त्यांनी विद्यार्थ्यांनी शिक्षणाबरोबरच व्यक्तिमत्त्व विकासावर भर देण्याचे मार्गदर्शन केले. पाहुण्यांनीही विद्यार्थ्यांना त्यांच्या उज्ज्वल भविष्यासाठी प्रेरणा दिली.कार्यक्रमाचे सूत्रसंचालन डॉ. एस. ए. पाटील यांनी प्रभावीपणे केले, तर प्रा. हेमंत बाविस्कर यांनी आभार प्रदर्शन केले. कार्यक्रमाच्या यशस्वितेसाठी महाविद्यालयातील सर्व शिक्षक, कर्मचारी आणि विद्यार्थ्यांनी परिश्रम घेतले.या कार्यक्रमामुळे विद्यार्थ्यांना सरदार वल्लभभाई पटेल यांच्या जीवनकार्याचा परिचय झाला आणि त्यांच्या विचारांना अनुसरून कार्य करण्याची प्रेरणा मिळाली. अशा उपक्रमांमुळे महाविद्यालयाचा शैक्षणिक व सांस्कृतिक वारसा वृद्धिंगत होत आहे.
I view something genuinely interesting about your website so I saved to favorites.