पाचोरा- येथील भारतीय स्टेट बँकेमध्ये ३९ वर्षांची प्रदीर्घ सेवा बजावणारे श्री. रविंद्र बळीराम महाजन (वरिष्ठ कॅशियर) हे दिनांक ३१ जानेवारी २०२५ रोजी सेवेतून निवृत्त होत आहेत. त्यांच्या सेवाकालातील उत्कृष्ट कार्याची दखल घेत, त्यांच्या सन्मानार्थ एक भव्य सेवानिवृत्ती सन्मान सोहळा आयोजित करण्यात आला आहे.
दिनांक २ फेब्रुवारी २०२५ रोजी सकाळी १० वाजता हा सन्मान सोहळा आयोजित केला आहे. कार्यक्रमाचे ठिकाण ‘स्वानंद’, प्लॉट नं. १९, स्टेट बँक कॉलनी, भडगाव रोड, पाचोरा येथे आहे. श्री. महाजन यांच्या सहकार्यांनी, कुटुंबीयांनी आणि मित्रपरिवाराने या कार्यक्रमाला भव्य स्वरूप दिले आहे.
या कार्यक्रमात श्री. महाजन यांच्या सेवाकाळातील योगदानाचा विशेष उल्लेख केला जाणार असून, त्यांना मानपत्र, स्मृतिचिन्हे आणि शुभेच्छा देऊन गौरवण्यात येणार आहे. मान्यवर आणि सहकाऱ्यांकडून त्यांच्या कार्यकाळातील आठवणींना उजाळा दिला जाईल.
या कार्यक्रमाचे आयोजन महाजन कुटुंबीयांनी केले असून, त्यांच्या पत्नी श्रीमती शोभा महाजन, पुत्र निलेश महाजन, सुना रोहिता महाजन, तसेच कुटुंबातील इतर सदस्यांनी सन्मान सोहळ्याची जबाबदारी घेतली आहे. श्री. प्रकाश महाजन, श्री. पांडुरंग महाजन आणि श्री. सुनील महाजन यांच्यासह कुटुंबातील इतर सदस्यांनीही या कार्यक्रमात विशेष सहभाग घेतला आहे.
श्री. रविंद्र महाजन यांनी केवळ बँक सेवेतच नव्हे, तर सामाजिक क्षेत्रातही आपला ठसा उमटवला आहे. त्यांच्या सेवानिवृत्ती निमित्ताने, त्यांच्या कार्यक्षमतेसह त्यांच्या सामाजिक योगदानाचीही प्रशंसा होणार आहे.
महाजन कुटुंबीयांनी आपले नातेवाईक , स्नेही , आप्तजन व मित्र परिवार यांना कार्यक्रमाला उपस्थित राहून श्री. महाजन यांच्या सन्मानार्थ आपली उपस्थिती नोंदवण्याचे आवाहन केले आहे. या आनंदसोहळ्यात सहभागी होऊन आपण त्यांचा सन्मान वाढवावा, अशी विनंती आहे.
श्री. रविंद्र महाजन यांची ३९ वर्षांची सेवा त्यांच्या प्रामाणिकतेचा आणि निष्ठेचा आदर्श आहे. त्यांच्या सन्मानार्थ आयोजित हा समारंभ केवळ त्यांच्या कुटुंबासाठी नव्हे, तर सहकाऱ्यांसाठीही एक संस्मरणीय अनुभव ठरणार आहे.
