पाचोरा : भाषा सां संस्कृति जो संरक्षण करेण जी परंपरा खे जिंदा रखंदे, पूज्य सिंधी जनरल पंचायत श्री झुलेलाल मंदिर अ॒ भारतीय सिंधू सभा पाचोरा तरफां हिन साल भी 10 अप्रैल ते सिंधी भाषा दिवस घणी धूमधाम सां मनायो वियो। 1967 में सिंधी भाषा खे भारतीय संविधान जी आठवीं अनुसूची में जगह मिलण जी खुशी में हर साल इहो दिवस मनायो वेंदो आहे। हिन मौके ते पाचोरा जा सिंधी समाज असांजी भाषा, असांजी संस्कृति अ॒ विरासत ते गर्व महसूस कंदे, एकता जो सुंदर संदेश दियो। कार्यक्रम जी शुरुआत झुलेलाल मंदिर परिसर में दीप प्रज्वलन सां थी। हिन दौरान उपस्थित मान्यवरन भगवान झुलेलाल जी जी मूर्ति ते पुष्प अर्पण करे नमन कयो। मंदिर परिसर खे रंग-बिरंगी सजावट सां सजायो वियो हो, जंहिं सां माहौल पूरी तरह उत्सवमय लागी रह्यो हो। समाज जा वडील, महिलाएं, युवा अ॒ बालकन घणी संख्या में शामिल थी कार्यक्रम खे भव्य बनायो। हिन अवसर ते कई सांस्कृतिक कार्यक्रम पेश कया विया। सिंधी गीतन जी मधुर धुन सां माहौल भावुक थी वियो, त युवक अ॒ बालकन कविता अ॒ प्रस्तुतियां सां सबन जो दिल जीत लियो। किझ युवकन सिंधी संस्कृति ते आधारित लघुनाटिका पेश करे समाज जी परंपरा जो महत्व समझायो। वक्ता अपनजे विचारन में सिंधी समाज जी इतिहास अ॒ संघर्षन जो जिक्र करे भाषा जो संरक्षण जरूरी आहे चयो। भारतीय सिंधू सभा युवा विंग जा सचिव अँड राजेंद्र.डी.वासवाणी अपने संबोधन में चयो त भारत जी महामहिम राष्ट्रपति द्रौपदी मुर्मु अ॒ उपराष्ट्रपति सि.पी.राधाकृष्णन द्वारा भारतीय संविधान जो सिंधी संस्करण प्रकाशित करणु, सिंधी समाज खातिर गर्व जी गल आहे। हिन कदम सां भाषा खे नयी पहचान मिली आहे अ॒ युवा पीढ़ी खे प्रेरणा मिलंदी। उन्हन खास तौर ते युवा खे संदेश दियो त “असांजी माऊली भाषा खे कदी न विसारियो, रोजमर्रा जिंदगी में इस्तेमाल कयो।” BSSY जा प्रदेश सचिव राकेश पुर्सनाणी अ॒ सतीश सर शामनाणी भी अपनजे विचार रखंदे चयो त भारत विभाजन खांपوء सिंधी समाज भारत जा अलग-अलग हिस्सन में विखरायो, पर उन्हन अपनजी भाषा अ॒ संस्कृति खे जिंदा रखण में घणी मेहनत कयी। हिन विरासत खे अगली पीढ़ी तक पहुंचाण असां सभिनी जी जिम्मेदारी आहे। कार्यक्रम में समाज जा विभिन्न क्षेत्रन में उत्तम काम करण वालन व्यक्तिन जो सम्मान कयो वियो। शिक्षा, समाज सेवा, व्यापार अ॒ कला में योगदान देण वालन खे सम्मानित करे, समाज में प्रेरणा जो माहौल पैदा कयो वियो। नवीन पीढ़ी खे भाषा सां जोड़ण खातिर खास कार्यक्रम रखे विया। बालकन खातिर सिंधी शब्द प्रतियोगिता, भाषण अ॒ क्विज रखे विया, जंहिं में उन्हन उत्साह सां भाग वठो अ॒ अपनजी प्रतिभा दिखाई। हिन प्रयास सां युवा में भाषा प्रति रुचि वधी रही आहे। कार्यक्रम जी समाप्ति ते सभिन मिलकर एकता अ॒ भाईचारा मजबूत करण जो संकल्प कयो। “असांजी भाषा, असांजी पहचान” जो नारा सां सभिन अपनजी संस्कृति बचाण जो वचन दियो। हिन कार्यक्रम में भारतीय सिंधू सभा युवा जा राकेश पुर्सनाणी, मनोज केसवाणी, अँड राजेंद्र.डी.वासवाणी, सतीश सर शामनाणी, जितेश नागराणी, हरिओम केसवाणी समेत कई सदस्य मौजूद रहा। सभिनी जी सहयोग सां कार्यक्रम सफलतापूर्वक संपन्न थयो। हिन सिंधी भाषा दिवस जो आयोजन साफ संदेश देई रह्यो आहे त भाषा सिर्फ बोलण जो जरिया न आहे, पर पहचान, इतिहास अ॒ संस्कृति जी आत्मा आहे। जदें भाषा बचंदी, त समाज मजबूत रहंदो आहे अ॒ अगली पीढ़ी अपनजे मूल सां जुड़ी रहंदी आहे।
