पाचोरा शहरातील आनंद मेडिकल चे संचालक आणि प्रजापत परिवाराचे आधारस्तंभ, तसेच नेहमी गोरगरीब, गरजू व रुग्णांची मदत करणारे कै. कन्हैयालाल काका प्रजापत यांचे अल्पशा आजाराने निधन झाले आहे. त्यांच्या निधनाने पाचोरा शहरात शोककळा पसरली असून, सर्व स्तरांतील नागरिकांनी या दुःखद घटनेवर शोक व्यक्त केला आहे.
कै. कन्हैयालाल काका प्रजापत हे सर्व धर्म व जातीच्या सामाजिक कार्यासाठी व मदतीच्या वृत्तीमुळे प्रसिद्ध होते. त्यांनी गोरगरिबांना औषधोपचारांसाठी वेळोवेळी मदत केली. अनेक रुग्णांसाठी ते आधार होते. त्यांच्या स्वभावामुळे व समाजसेवेच्या भावनेमुळे ते शहरातील प्रत्येकाच्या हृदयात आदराचे स्थान निर्माण करू शकले.
त्यांची अंत्ययात्रा उद्या, सोमवार, 9 डिसेंबर 2024 रोजी सकाळी 10 वाजता राहते घर, विवेकानंद नगर, पाचोरा येथून निघणार आहे.
त्यांच्या पश्चात कुटुंबीय, नातेवाईक आणि असंख्य आप्तस्वकीय असा मोठा परिवार आहे. त्यांच्या निधनाने प्रजापत कुटुंबाला मोठी हानी झाली असून, सर्वत्र हळहळ व्यक्त केली जात आहे
कै. कन्हैयालाल काका प्रजापत यांचे सामाजिक योगदान आणि कर्तृत्व कायम स्मरणात राहील. त्यांनी केलेल्या कामांमुळे त्यांचे नाव नेहमी आदराने घेतले जाईल.प्राध्यापक कुटुंबियांच्या दुःखात साप्ताहिक झुंज & ध्येय न्युज परिवार सहभागी आहे
ध्येय न्यूज चॅनेलच्या बातम्या मिळवण्यासाठी येथे क्लिक करून आमचा व्हाट्सअप ग्रुप जॉईन करा.
