पाचोरा, ता. २४ फेब्रुवारी पाचोरा-भडगाव विधानसभा मतदारसंघाचे आमदार किशोर आप्पा पाटील यांच्या मातोश्री, स्व. ग. भा. नर्मदाबाई धनसिंग पाटील यांचे आज सोमवार, २४ फेब्रुवारी रोजी सकाळी ४:५५ वाजता वृद्धापकाळाने दुःखद निधन झाले.
स्व. नर्मदाबाई पाटील या शांत, संयमी आणि धार्मिक वृत्तीच्या होत्या. आपल्या कर्तव्यदक्ष आणि सामाजिक कार्याचा वारसा त्यांनी आपल्या परिवारासोबत जपला. त्यांचा मोठा आदर आणि सन्मान समाजात होता. त्यांच्या निधनाने संपूर्ण पाटील कुटुंबावर शोककळा पसरली आहे.
त्यांची अंत्ययात्रा आज दुपारी ३:०० वाजता त्यांच्या राहत्या घरातून, चिंतामणी कॉलनी, भडगाव रोड, पाचोरा येथून निघेल. अंत्यसंस्कार पाचोरा येथील स्मशानभूमीत केले जातील.
त्यांच्या निधनाने संपूर्ण पाचोरा-भडगाव मतदारसंघात हळहळ व्यक्त केली जात आहे. अनेक सामाजिक, राजकीय आणि प्रतिष्ठित व्यक्तींनी त्यांच्या निधनाबद्दल दुःख व्यक्त केले आहे. कुटुंबीय, नातेवाईक आणि हितचिंतक यांच्यासाठी हा अतिशय दु:खद प्रसंग आहे. झुंज वृत्तपत्र & ध्येय न्युज परिवारातर्फे “भावपूर्ण श्रद्धांजली!”
पाटील परिवाराच्या दुःखात महाजन परिवार सहभागी आहे
ध्येय न्यूज चॅनेलच्या बातम्या मिळवण्यासाठी येथे क्लिक करून आमचा व्हाट्सअप ग्रुप जॉईन करा.
