जळगाव : भक्तिसंगीताच्या सुरांनी वातावरण भारून टाकत, आई सप्तशृंगी आणि कानबाई मातेच्या भक्तिगीतांची स्वरमधुर मैफल रंगवित डॉ. चंद्रशेखर शिवाजीराव पाटील यांचा वाढदिवस यंदा आगळ्या भक्तिमय वातावरणात साजरा करण्यात येणार आहे. त्यांच्या वाढदिवसानिमित्त “सुरांची आराधना… भक्तीची साधना” या संकल्पनेतून विशेष भक्तीमय गीतांचा कार्यक्रम आयोजित करण्यात आला आहे. डॉ. चंद्रशेखर शिवाजीराव पाटील हे जळगाव शहर महानगरपालिकेतील प्रभाग क्र. ९ चे नगरसेवक असून स्थायी समितीचे सभापती आहेत. तसेच ते जळगाव शहर म.न.पा.मध्ये प्रतोद म्हणूनही कार्यरत असून भारतीय जनता पक्षाशी संबंधित आहेत. नागरिकांच्या विविध प्रश्नांशी सातत्याने संपर्क ठेवणारे लोकप्रतिनिधी म्हणून त्यांच्या वाढदिवसानिमित्त आयोजित या कार्यक्रमाला विशेष महत्त्व प्राप्त झाले आहे. २६ सप्टेंबर २०२६ रोजी सायंकाळी ५ वाजेपासून योगा सेंटर व शेतकी शाळेच्या समोर, चंदुअण्णा स्टॉपजवळ, खोटे नगर, जळगाव येथे हा कार्यक्रम होणार आहे. भक्तिसंगीताच्या माध्यमातून श्रद्धा, संस्कृती आणि खान्देशी संगीतपरंपरेचा सुरेल संगम यानिमित्ताने अनुभवता येणार आहे. आई सप्तशृंगी आणि कानबाई मातेच्या सुप्रसिद्ध गीतांचे निर्माते, गीतकार व गायक असलेले खान्देश किंग ग्रुप गोल्डन बँड, शिरपूरचे आबासाहेब चौधरी, धिरज चौधरी, दिलीप बाशिंगे आणि दिनेश बाशिंगे हे कार्यक्रम सादर करणार आहेत. खान्देशच्या मातीत रुजलेल्या भक्तिसंगीताला आपल्या वैशिष्ट्यपूर्ण शैलीत सादर करणाऱ्या या कलाकारांच्या उपस्थितीमुळे कार्यक्रमाला विशेष रंगत येणार आहे. वाढदिवसानिमित्त डॉ. चंद्रशेखर शिवाजीराव पाटील यांचे अभिष्टचिंतन करण्यासाठी विविध मान्यवरांची प्रमुख उपस्थिती राहणार आहे. राजुमामा भोळे, आमदार, जळगाव शहर, गुलाबरावजी पाटील, पाणी पुरवठा मंत्री व पालकमंत्री, जळगाव महाराष्ट्र राज्य तसेच गिरीषभाऊ महाजन, जलसंपदामंत्री व पालकमंत्री, नाशिक महाराष्ट्र राज्य यांची प्रमुख उपस्थिती राहणार आहे. या कार्यक्रमामागे डॉ. चंद्रशेखर शिवाजीराव पाटील मित्र परिवार तसेच सरस्वती विद्या प्रसारक मंडळ परिवाराचा पुढाकार आहे. कार्यक्रमाचे प्रेरणास्थान आबासाहेब शिवाजीराव सिताराम पाटील आहेत. वाढदिवसाच्या निमित्ताने आयोजित या भक्तिमय सोहळ्यात नागरिक, मित्रपरिवार, हितचिंतक आणि शुभेच्छुकांनी सहपरिवार सहभागी होऊन डॉ. चंद्रशेखर शिवाजीराव पाटील यांना शुभेच्छा द्याव्यात, असे आवाहन आयोजकांकडून करण्यात आले आहे. भक्ती, संगीत आणि स्नेहाचा सुरेल अनुभव देणाऱ्या या कार्यक्रमाची जळगाव शहरात उत्सुकता निर्माण झाली आहे.
