पाचोरा–( झुंज वृत्तपत्र & ध्येय न्युज प्रतिनिधी – धनराज पाटील, बॅनर Mo. 9922614917)— एचएससी परीक्षेत पाचोरा तालुका सहकारी शिक्षण संस्थेच्या विविध विद्यालयांनी घेतलेली भरारी आणि विद्यार्थ्यांनी मिळवलेले घवघवीत यश हे या संस्थेच्या गुणवत्तापूर्ण शिक्षणाचे उत्तम उदाहरण ठरले आहे. संस्थेच्या सर्वच शाळांनी आणि महाविद्यालयांनी यावर्षीचा निकाल अत्यंत समाधानकारक दिला असून विदयार्थ्यांच्या यशामध्ये पालकांचे सहकार्य, शिक्षकांचे मार्गदर्शन आणि व्यवस्थापनाचे योग्य नियोजन हे त्रिसूत्री कारणीभूत ठरले आहे. श्री शेठ मुरलीधरजी मानसिंगका महाविद्यालय पाचोरा यांचा निकाल यंदा ९६ टक्क्यांवर पोहोचला आहे. एकूण ८९१ विद्यार्थ्यांनी परीक्षा दिली असून यापैकी ८५६ विद्यार्थी उत्तीर्ण झाले आहेत. या महाविद्यालयाच्या विज्ञान शाखेने यंदा १०० टक्के निकालाची परंपरा कायम राखली आहे. वाणिज्य शाखेचा ९७ टक्के तर कला शाखेचा ९१ टक्के निकाल लागला आहे. विज्ञान शाखेत पाटील ऋषिकेश मिलिंद याने ९२.१७ टक्के गुण मिळवत प्रथम क्रमांक पटकावला असून त्याच्या खालोखाल जान्हवी जितेंद्र पाटील हिने ९०.१७ टक्के आणि चौधरी प्राची किशोर हिने ९० टक्के गुण मिळवत तृतीय क्रमांक पटकावला आहे. वाणिज्य शाखेत पाटील निकिता राजेंद्र हिने ८९.६७ टक्के, पवार चिन्मयी नागसेन हिने ८८.१७ टक्के आणि राऊळ अनिकेत विनोद याने ८६.६७ टक्के गुण मिळवत अनुक्रमे पहिले तीन क्रमांक पटकावले आहेत. कला शाखेत खैरे किंजल मनोज हिने ७७.६७ टक्के, महाजन संचिता विशाल हिने ७६.८३ टक्के आणि पाटील प्रतीक्षा तुळशीराम हिने ७६.१७ टक्के गुण मिळवत यश संपादन केले आहे. व्यवसाय अभ्यासक्रम विभागाचा शंभर टक्के निकाल लागला असून मार्केटिंग अँड रिटेल मॅनेजमेंटमध्ये पाटील अतुल देवानंद याने ६३.८३ टक्के, मेडिकल लॅब टेक्निशियनमध्ये माधुरी कैलास कुमावत हिने ६६.८३ टक्के आणि अकाउंटिंग अँड ऑफिस मॅनेजमेंटमध्ये पाटील अर्जुन बापू व लाधे पंकज गोविंद या विद्यार्थ्यांनी ६० टक्के गुण मिळवत प्रथम क्रमांक मिळवला आहे. या यशात विद्यार्थ्यांची वैयक्तिक मेहनत आणि आत्मविश्वास दिसून येतो. पाटील ऋषिकेश मिलिंद याने सांगितले की रात्रंदिवस अभ्यासाचा सातत्यपूर्ण ध्यास घेतला होता. परीक्षा संपल्यावरही यशाची खात्री होती. जान्हवी पाटील हिने अभ्यासात शिस्त आणि सातत्य ठेवले. पाटील निकिता हिने कोविड नंतरच्या अडचणींचा सामना करत यश मिळवले. माधुरी कुमावत हिने वैद्यकीय क्षेत्रात सशक्त दृष्टीकोन मिळवल्याचे सांगितले. भडगाव येथील सौ सु गि पाटील माध्यमिक विद्यालय, सौ ज ग पूर्णपात्री कनिष्ठ महाविद्यालय आणि उच्च माध्यमिक व्यवसाय अभ्यासक्रम विद्यालयाचा निकालही उल्लेखनीय ठरला आहे. विज्ञान शाखेत गौरव संदीप सोनवणे याने ८७ टक्के, श्रावणी निलेश पाटील हिने ८६.१७ टक्के आणि आदित योगेश चिंचोली याने ८५.६७ टक्के गुण मिळवत यश संपादन केले आहे. कला विभागात चैताली भिमराव मोरे हिने ८८.८३ टक्के, पाटील मेघा नरेंद्र हिने ८२.१७ टक्के आणि अंकुश बाळकृष्ण माळी याने ८०.८३ टक्के गुण मिळवले आहेत. व्यवसाय अभ्यासक्रमात इलेक्ट्रॉनिक्स टेक्नॉलॉजीमध्ये भूषण ज्ञानेश्वर पाटील, इलेक्ट्रिकल टेक्नॉलॉजीमध्ये किरण अनिल पवार, आणि अकाउंट मॅनेजमेंटमध्ये प्रतीक्षा गणेश पाटील हे अनुक्रमे प्रथम आले आहेत. चैताली मोरे हिने सांगितले की अभ्यासाच्या सातत्यामुळे आणि आईच्या चेहऱ्यावर आलेल्या समाधानामुळे तिचा आत्मविश्वास वाढला. गौरव सोनवणे याने शाळेच्या सराव परीक्षा आणि नियोजित अभ्यासाचे महत्त्व अधोरेखित केले. अंकुश माळी याने UPSC हे आपले अंतिम ध्येय असल्याचे सांगितले. श्री गो से हायस्कूल पाचोरा येथील एचएससी व्होकेशनल विभागाचा निकाल ९३.३३ टक्के लागला आहे. एकूण ४५ विद्यार्थ्यांपैकी ४२ विद्यार्थी उत्तीर्ण झाले आहेत. इलेक्ट्रॉनिक्स टेक्नॉलॉजीमध्ये १०० टक्के, कन्स्ट्रक्शन टेक्नॉलॉजीमध्ये ८६.६६ टक्के आणि इलेक्ट्रिकल टेक्नॉलॉजीमध्ये ९३.३३ टक्के निकाल लागला आहे. या विभागात पवार रामेश्वर सुभाष याने ६५.१७ टक्के, गायकवाड सावन सोमनाथ याने ६३.८३ टक्के आणि पाटील जयेश विठ्ठल याने ६३.८३ टक्के गुण मिळवत अनुक्रमे प्रथम क्रमांक पटकावले आहेत. रामेश्वर पवार याने प्रॅक्टिकल शिक्षणामुळे इलेक्ट्रॉनिक्स क्षेत्रात रस निर्माण झाल्याचे सांगितले. बांबरुड येथील डॉ राम मनोहर लोहिया उच्च माध्यमिक महाविद्यालयाचा निकाल ९०.६२ टक्के लागला आहे. यामधून पाटील मेघना श्रीराम हिने ६९.८३ टक्के गुणांसह प्रथम क्रमांक मिळवला असून तिने सांगितले की संसाधने कमी असली तरी स्वप्न मोठं असल्यामुळे यश मिळवता आलं. या सर्व उत्तीर्ण विद्यार्थ्यांचे आणि त्यांच्या पालकांचे संस्थेचे अध्यक्ष माजी आमदार भाऊसो दिलीप ओंकार वाघ, चेअरमन नानासो संजय ओंकार वाघ, मानस सचिव ॲड महेश देशमुख, व्हाईस चेअरमन नानासो व्ही टी जोशी, स्थानिक समिती चेअरमन अण्णासाहेब दगाजीराव वाघ, आबासो दत्तात्रय पवार, बाबासो विनय जकातदार, उच्च माध्यमिक व्यवसाय अभ्यासक्रम चेअरमन नानासो विजय देशपांडे, सुभाष तोतला, दादासो खलिल देशमुख, अण्णासो वासुदेव महाजन व इतर सर्व पदाधिकाऱ्यांनी अभिनंदन करून त्यांच्या उज्वल भवितव्याच्या शुभेच्छा दिल्या आहेत. यंदाचा निकाल हा केवळ टक्केवारीचा नसून विद्यार्थ्यांच्या परिश्रम, शिक्षकांच्या मार्गदर्शन आणि पालकांच्या पाठिंब्याचे फलित आहे. पाचोरा तालुका सहकारी शिक्षण संस्थेची ही शैक्षणिक भरारी आगामी काळात पिढ्यांच्या घडणीसाठी आणखी मजबूत पाया सिद्ध होईल असा विश्वास व्यक्त करण्यात येत आहे
ध्येय न्यूज चॅनेलच्या बातम्या मिळवण्यासाठी येथे क्लिक करून आमचा व्हाट्सअप ग्रुप जॉईन करा.
