पाचोरा ( भोलाभाऊ पाटील ) आगामी नगरपरिषद, जिल्हा परिषद आणि पंचायत समिती निवडणुकांच्या पार्श्वभूमीवर संपूर्ण पाचोरा-भडगाव विधानसभा मतदारसंघात शिवसेनेचा झेंडा पुन्हा एकदा तेजाने फडकवण्याचा निर्धार घेण्यासाठी येत्या शनिवार, दि. १ नोव्हेंबर २०२५ रोजी सायं. ५ वाजता पाचोरा येथील कृषी उत्पन्न बाजार समितीच्या आवारात भव्य शिवसेना-युवासेना निर्धार मेळावा रंगणार आहे. या मेळाव्याच्या निमित्ताने संपूर्ण पाचोरा शहर आज भगव्या रंगात न्हाऊन निघाले आहे. कार्यकर्त्यांच्या डोळ्यांत उत्साहाची चमक, घोषणांनी दणाणलेले वातावरण, तर बॅनर-झेंड्यांनी सजलेले रस्ते — अशा जोशपूर्ण वातावरणात हा कार्यक्रम होणार आहे. हा मेळावा म्हणजे केवळ राजकीय बैठक नाही, तर शिवसेना कार्यकर्त्यांच्या मनातील ज्वाला पुन्हा प्रज्वलित करणारा ऐतिहासिक क्षण ठरणार आहे. या निर्धार मेळाव्याचे प्रमुख मार्गदर्शक म्हणून राज्याचे पुरवठा व स्वच्छतामंत्री तसेच जळगाव जिल्ह्याचे गतिमान पालकमंत्री मा.ना. श्री. गुलाबरावजी पाटील हे उपस्थित राहणार आहेत. त्यांच्या उपस्थितीमुळे कार्यकर्त्यांमध्ये उत्साहाचा आणि प्रेरणेचा नवा झोत निर्माण झाला आहे. त्यांच्या प्रभावी भाषणातून आगामी निवडणुकांची दिशा व शिवसेनेचा विकासदृष्टीकोन यावर स्पष्ट मार्गदर्शन मिळणार आहे. या मेळाव्याचे आयोजन हे पाचोरा-भडगाव विधानसभा मतदारसंघाचे हॅट्रीक कार्यसम्राट लाडके आमदार मा. श्री. किशोर आप्पा पाटील यांच्या वाढदिवसानिमित्त केले गेले आहे. कार्यकर्त्यांच्या मनातील “आप्पा” या आपल्या नेत्याबद्दलचा स्नेह, आदर आणि निष्ठा याचा उद्रेक या मेळाव्यात पाहायला मिळणार आहे.कार्यसम्राट आमदार किशोर आप्पांच्या नेतृत्वाखाली पाचोरा-भडगाव मतदारसंघाचा विकासाचा आलेख उंचावल्याचे अनुभवले आहे — आणि याच कार्याचा उत्सव, याच निष्ठेचा निर्धार, १ नोव्हेंबरला दणाणून उमटणार आहे. मेळाव्यात अध्यक्षस्थान भूषविणार आहेत — मा. श्री. रावसाहेब मनोहर पाटील, शिवसेना जिल्हा प्रमुख (पाचोरा-भडगाव-चाळीसगाव). ते कार्यकर्त्यांना शिस्त, संघटनशक्ती आणि एकजुटीचा मंत्र देणार आहेत. प्रमुख उपस्थिती म्हणून या कार्यक्रमात डॉ. प्रियंका पाटील (युवतीसेना कार्यकारिणी सदस्य, महाराष्ट्र राज्य), मा. श्री. गणेशबापु पाटील ( माजी उपनगराध्यक्ष तथा सभापती, कृउबा समिती, पाचोरा-भडगाव), मा. श्री. चंद्रकांत सोनवणे (माजी आमदार, चोपडा), मा. श्री. वासुदेव पाटील (जिल्हा प्रमुख, एरंडोल-पाडोळा-अमळनेर), मा. श्री. विकास पाटील (माजी सदस्य, जळगाव), मा. श्री. प्रकाश पाटील (उपसभापती, के.३ या समिती, पाचोरा-भडगाव) तसेच मा. श्री. प्रविण ब्राम्हणे (जिल्हा प्रमुख, भिमशक्ती-शिवशक्ती संघटना) हे उपस्थित राहणार आहेत. तसेच जिल्ह्याचे प्रतिष्ठित नेते — मा. श्री. चंद्रकांत पाटील (आमदार, मुक्ताईनगर), मा. श्री. अमोल पाटील (आमदार, पारोळा-एरंडोल), मा. श्री. विष्णु भंगाळे (शिवसेना जिल्हा प्रमुख, जळगाव), मा. श्री. राजेंद्र जिभूपाटील (मा. नगराध्यक्ष, भडगाव), मा. श्री. लखीचंद पाटील (युवासेना लोकसभा अध्यक्ष, जळगाव), मा. श्री. धर्मा बाविस्कर (जिल्हा प्रमुख, एकलव्य सेना), मा. श्री. भैय्यासाहेब पाटील (लोकसभा संपर्क प्रमुख, जळगाव), मा. श्री. जितेंद्र जैन (युवासेना जिल्हाप्रमुख), मा. सौ. ललिता पाटील (महिला आघाडी जिल्हा प्रमुख), मा. श्री. आत्माराम राठोड (जिल्हा प्रमुख, बंजारा सेना), मा. श्री. सुनील चौधरी (उपनेते, शिवसेना जिल्हा परिषद), सौ. सरीता माळी (उत्तर महाराष्ट्र सहसंपर्क प्रमुख), मा. श्री. सुनिल पाटील (जिल्हा प्रमुख, संतकरी सेना) आणि मा. श्री. नरेश पाटील (जिल्हा प्रमुख, डॉक कामगार सेना) या सर्वांच्या उपस्थितीने कार्यक्रमाची उंची अनेकपटींनी वाढणार आहे. या मेळाव्याच्या तयारीला नेतृत्व दिले आहे युवानेता सुमित किशोर पाटील आणि सौ. सुनीता किशोर पाटील (मा. नगराध्यक्षा, नगरपरिषद पाचोरा) यांनी. त्यांच्या अथक प्रयत्नांमुळे संपूर्ण मतदारसंघात एकजुटीचे, जोशपूर्ण वातावरण निर्माण झाले आहे. शहर आणि ग्रामीण भागातील प्रत्येक कार्यकर्त्याने हा मेळावा यशस्वी करण्यासाठी आपले संपूर्ण मनोबल झोकून दिले आहे. मेळाव्याच्या प्रचारासाठी शहरात भव्य पोस्टर, झेंडे, भगवे फलक आणि घोषवाक्यांनी भरलेले चौक उभे राहिले आहेत. “शिवसेना पुन्हा पुढे! आप्पांच्या नेतृत्वाखाली विजय निश्चित!” या घोषवाक्याने पाचोऱ्याचे वातावरण गाजत आहे. मेळाव्यात युवकांचा सहभाग अत्यंत मोठ्या प्रमाणावर अपेक्षित असून, “जय महाराष्ट्र!”, “जय शिवसेना!”, “किशोर आप्पा झिंदाबाद!” अशा घोषणांनी बाजार समितीचे सभागृह दणाणून जाईल, अशी चर्चा सुरू आहे. युवासेना, महिला आघाडी आणि विविध घटक संघटनांच्या पदाधिकाऱ्यांनी गावागावातून कार्यकर्त्यांची फौज घेऊन पाचोरात येण्याचे नियोजन केले आहे. अनेक ठिकाणी कार्यकर्ते ताशा-पथकांसह, मोटार रॅलीतून भगवे झेंडे फडकवत मेळाव्याला येणार आहेत. या मेळाव्याचा उद्देश फक्त सभा घेणे नाही, तर पाचोरा-भडगावातून शिवसेनेचा झेंडा पुन्हा उंच फडकवण्याचा संकल्प, निष्ठा आणि आत्मविश्वास पुनः जागवणे हा आहे. कार्यक्रमाच्या शेवटी मा. आमदार किशोर आप्पा पाटील यांच्या वाढदिवसानिमित्त कार्यकर्त्यांकडून शुभेच्छांचा वर्षाव होणार असून, “जनतेसाठी काम करणारा आपला हक्काचा माणुस” असा जयघोष संपूर्ण सभागृहात घुमणार आहे. या ऐतिहासिक मेळाव्याद्वारे पाचोरा-भडगाव मतदारसंघातील शिवसेना पुन्हा एकदा आपल्या संघटनशक्तीची ताकद दाखवणार आहे. कार्यकर्त्यांच्या जोशात, उत्साहात आणि निष्ठेतून “शिवसेना पुन्हा उभारणार नवा विजय इतिहास” असा विश्वास सर्वत्र व्यक्त होत आहे. शिवसेना-युवासेना, महिला आघाडी पाचोरा-भडगाव विधानसभा मतदारसंघ — आयोजक मंडळाच्यावतीने सर्व शिवसैनिकांना आवाहन “शनिवार, १ नोव्हेंबर रोजी संध्याकाळी ५ वाजता — कृषी उत्पन्न बाजार समिती, पाचोरा येथे — भगवा झेंडा उंच फडकवा, निर्धार दाखवा, आणि शिवसेनेच्या विजयासाठी सज्ज व्हा!”
ध्येय न्यूज चॅनेलच्या बातम्या मिळवण्यासाठी येथे क्लिक करून आमचा व्हाट्सअप ग्रुप जॉईन करा.
