प
ाचोरा येथे विवाह सोहळ्यासाठी येणाऱ्या वऱ्हाडाच्या क्रूझर गाडीस पाचोरा -भडगाव हायवेवर निर्मल सीड्स समोर अपघात झाला यात वधूचे माता-पिता जखमी झाले असून आर्टिगा कारमधील संगमनेरच्या 6 तरुणांना देखील गंभीर दुखापत झाली आहे.पाचोरा येथील विवाह सोहळ्यासाठी पंढरपुर येथील वधूकडील वऱ्हाड क्रुझर गाडी( क्रमांक एम एच 13 एसी 95 89) ने पाचोऱ्याकडे येत असताना जामनेर येथील विवाह सोहळा आटोपून संगमनेर कडे जाणाऱ्या तरूणांच्या अर्टिगा कार (क्रमांक एम एच 17 ए झेड 3605) या दोन्ही गाड्यांची समोरासमोर धडक झाली. त्यात आर्टिका कार चालक विकी अष्ठेकरकर (वय 26) यांचेसह आकाश ढोले ( 26) विशाल ढोले( 28 )आदेश प्रभात (26) मयूर भालेकर ( 27) व प्रसाद टिपरे ( 27) (सर्व राहणार संगमनेर )हे 6 तरुण जखमी झाले. विघ्नहर्ता मल्टीस्पेशलिटी हॉस्पिटल मध्ये त्यांना दाखल करण्यात आले डॉ भूषण मगर, डॉ सागर गरुड,डॉ प्रवीण देशमुख, डॉ संदीप इंगळे,डॉ रितेश पाटील यांनी त्यांच्यावर उपचार केले तर क्रुझर मधील वधुची आई सुनीता कोचादे (वय 38) व वडील सुभाष कोचादे (वय 45) यांचेसह गंगाबाई गायकवाड (वय 38 )हे तिघे जखमी झाले .यांचेवर श्रेयस हॉस्पिटलमध्ये उपचार सुरू आहेत.
ध्येय न्यूज चॅनेलच्या बातम्या मिळवण्यासाठी येथे क्लिक करून आमचा व्हाट्सअप ग्रुप जॉईन करा.
