सध्या देशभरात मोकाट कुत्र्यांमुळे नागरिकांचे जीवन धोक्यात आले आहे. विविध भागांमधून आलेल्या घटनांमुळे सामान्य जनतेत भीतीचे वातावरण पसरले आहे. काही ठिकाणी या घटना थेट सीसीटीव्ही कॅमेऱ्यात कैद झाल्या आहेत.

अशा परिस्थितीत नागरिकांनी स्वतःचे संरक्षण करण्यासाठी योग्य ती पावले उचलणे आवश्यक झाले आहे.
    पहाटेच्या वेळी एकट्याने फिरणे हे आता धोकादायक ठरले आहे. मोकाट कुत्र्यांच्या टोळ्या लोकांवर अचानक हल्ला करत असल्याच्या घटना वारंवार समोर येत आहेत. सकाळी फिरायला जाणाऱ्या व्यक्तींनी शक्यतो एकटे फिरणे टाळावे. जर बाहेर पडणे आवश्यक असेल, तर स्वतःसोबत काठी किंवा अन्य संरक्षणाचे साधन ठेवावे, असा सल्ला दिला जात आहे.
     अनेक ठिकाणी कुत्र्यांच्या भुंकण्याचा आवाज ऐकू येतो. त्याकडे दुर्लक्ष करू नका, कारण कदाचित कोणीतरी संकटात असेल. अशा वेळी खिडकीतून बाहेर डोकावून पाहणे किंवा आवाजाचा स्रोत तपासणे हा आपला सामाजिक कर्तव्याचा भाग आहे.
     गल्लीत कुत्र्यांची संख्या वाढण्यामागे नागरिकांनी टाकलेला उघड्यावरचा कचरा आणि खरकटे हे मुख्य कारण आहे. यामुळे कुत्र्यांना खाण्यासाठी खाद्य मिळते आणि त्यांची संख्या झपाट्याने वाढत आहे. त्यामुळे घराच्या आजूबाजूला स्वच्छता ठेवणे आणि कचरा योग्य पद्धतीने टाकणे हे प्रत्येक नागरिकाचे कर्तव्य आहे.
प्रशासनाच्या भूमिकेवर प्रश्नचिन्ह
मोकाट कुत्र्यांच्या प्रश्नावर प्रशासनाकडून काही ठोस उपाय होताना दिसत नाहीत. सुप्रीम कोर्टाने मोकाट कुत्र्यांच्या व्यवस्थापनाबाबत अनेक स्पष्ट आदेश दिले आहेत, मात्र त्याची अंमलबजावणी करण्यास प्रशासन अपयशी ठरले आहे. आश्चर्यकारक बाब म्हणजे, काही प्रकरणांमध्ये सरकार थेट सुप्रीम कोर्टाच्या निर्णयांचे उल्लंघन करताना दिसते किंवा त्या निर्णयांचे पालन करत नाही. पण, मोकाट कुत्र्यांच्या संदर्भातील आदेश मात्र कारण म्हणून पुढे केले जातात.
या विसंगतीमुळे सामान्य नागरिकांना प्रचंड त्रास सहन करावा लागत आहे. आज जंगली हिंस्र प्राण्यांपेक्षा मोकाट कुत्र्यांची भीती नागरिकांमध्ये अधिक निर्माण झाली आहे. सुप्रीम कोर्टाच्या निर्णयांचे पालन करण्यात प्रशासन दुटप्पी भूमिका घेत असल्याचे दिसते, ज्यामुळे नागरिकांची सुरक्षितता धोक्यात आली आहे.
   मोकाट कुत्र्यांच्या हल्ल्यांच्या काही ठळक घटनांवर नजर टाकली तर, मुंबईतील एका उपनगरात पहाटे मॉर्निंग वॉकला गेलेल्या व्यक्तीवर कुत्र्यांनी हल्ला केला. सीसीटीव्ही फुटेजमध्ये त्या व्यक्तीने स्वतःचा बचाव करताना मोठ्या प्रयत्नांची आवश्यकता भासल्याचे दिसते. पुण्यातील एका घटनेत एका महिलेवर हल्ला झाल्याने ती गंभीर जखमी झाली. ग्रामीण भागात लहान मुले आणि ज्येष्ठ नागरिक मोकाट कुत्र्यांचे प्रमुख लक्ष्य ठरत आहेत.
अशा घटना दिवसेंदिवस वाढत असल्याने नागरिकांनी स्वतःच सावधगिरी बाळगणे गरजेचे आहे. पहाटे किंवा रात्री बाहेर पडताना सतर्क राहणे, संरक्षणासाठी काठी किंवा इतर साधने सोबत ठेवणे, आपल्या लहान बालकांना परिसरात एकटे न सोडणे परिसरातील कुत्र्यांच्या हालचालींवर लक्ष ठेवणे आणि वेळोवेळी स्थानिक प्रशासनाला माहिती देणे हे आवश्यक झाले आहे.
प्रशासनाने कुत्र्यांची नसबंदी करणे, त्यांच्यासाठी निवारा केंद्रे उभारणे आणि सुप्रीम कोर्टाच्या आदेशांचे पालन करून नागरिकांना संरक्षण देणे किंवा मे सुप्रीम कोर्टाच्या निर्णय व आदेशाच्या विरोधात अपील दाखल करून जनतेचे जीवन महत्त्वाचे की बेवारस कुत्र्यांचे संरक्षण महत्त्वाचे यासाठी महत्त्वपूर्ण उपाययोजना तातडीने हाती घ्याव्या लागतील. मात्र, या प्रक्रियेत नागरिकांचा सहभागही तितकाच महत्त्वाचा आहे. प्रत्येकाने आपल्या परिसरात स्वच्छता राखणे आणि मोकाट कुत्र्यांच्या प्रश्नावर जागरूक राहणे गरजेचे आहे.
प्रशासन आणि नागरिकांनी सामूहिक प्रयत्न न केल्यास मोकाट कुत्र्यांचा धोका आणखी वाढू शकतो. सतर्कता आणि सावधगिरी हीच आपले संरक्षण करण्याची पहिली पायरी आहे. सुप्रीम कोर्टाच्या आदेशांचा योग्य तो आदर ठेवून सन्मानाने मे सुप्रीम कोर्टास बेवारस कुत्र्यांबाबत सत्य परिस्थिती समोर आळणी गरजेचे आहे यासाठी प्रशासनाने तातडीने पावले उचलली पाहिजेत, अन्यथा नागरिकांचे जीवन आणखी कठीण होईल. म्हणूनच, नागरिकांनी स्वतःच्या आणि कुटुंबाच्या सुरक्षेसाठी अधिक जबाबदारीने वागण्याची वेळ आली आहे.

महाराष्ट्राची ओळख कर्तृत्व, स्वाभिमान आणि मराठी बाण्यामुळे होती. छत्रपती शिवाजी महाराजांच्या नेतृत्वाखाली उभ्या राहिलेल्या या भूमीत साहस, शौर्य, आणि न्यायासाठी लढण्याची प्रेरणा होती. परंतु आज महाराष्ट्र शांत, थंड, आणि असंवेदनशील झाल्याचे चित्र उभे आहे. हे फक्त वैयक्तिक अथवा सामूहिक पातळीवर नाही, तर संपूर्ण व्यवस्थेमध्ये खोलवर रुजले आहे.
न्या. लोया प्रकरण : अन्यायाची मूळ ठिकाणे
न्या. लोया यांचा संशयास्पद मृत्यू हे एका कार्यक्षम आणि पारदर्शक प्रशासनाच्या तुकड्या-तुकड्यांची कथा आहे. त्यांच्या मृत्यूनंतर न्यायव्यवस्थेने आवाज उठविण्याऐवजी शांततेचा स्वीकार केला. डॉ. नरेंद्र दाभोळकर, कॉ. गोविंद पानसरे, आणि गौरी लंकेश यांच्यासारख्या विचारवंतांच्या हत्या झाल्या. मात्र, या घटनांवरती महाराष्ट्रात सामूहिक आक्रोश ऐकायला मिळाला नाही.
ही शांतता किंवा तटस्थता केवळ प्रशासनापुरती मर्यादित नाही. ही संपूर्ण समाजाची होत चाललेली सामूहिक उदासीनता दर्शवते. आज महाराष्ट्रात अन्यायावर चर्चा नाही, अत्याचारांवर निषेध नाही, आणि भ्रष्टाचाराबद्दल आक्रोश नाही. हीच स्थिती आपल्या समाजाचे आणि राज्याच्या व्यवस्थेचे अधःपतन अधोरेखित करते.
राजकीय-प्रशासकीय साखळीतील अभद्र युती
महाराष्ट्रातील राजकीय व्यवस्थेत ‘सत्ता’ हा एकमेव ध्येय राहिला आहे. न्या. लोया यांच्या खुनापासून ते पक्षफोडीपर्यंतची ही कहाणी एका गोष्टीवर शिक्कामोर्तब करते – सत्ता मिळविण्यासाठी कोणत्याही प्रकारच्या तडजोडी आणि अभद्र युती केल्या जातात.
सत्ता राखण्यासाठी गूंडगिरी, भ्रष्टाचार, आणि अराजकाला पाठिंबा दिला जातो. एका सरपंचाच्या हत्येचा सूत्रधार जर ‘सत्ताधाऱ्यांचा पाल्य’ असेल, तर अशा युतींना पाठिंबा देणे कोणाला नवीन राहिले आहे?
राजकीय आणि प्रशासकीय यंत्रणेतील खोटेपणा
भाजप, राष्ट्रवादी काँग्रेस, शिवसेना अथवा काँग्रेस यांपैकी कोणत्याही पक्षाने जनतेला खऱ्या प्रश्नांवर उपाय दिला नाही. राजकीय नेत्यांचे एकमेकांवरील आरोप-प्रत्यारोप फक्त सत्तेच्या लोभातून चालतात. त्यात प्रशासनानेही आपली भूमिका गमावली आहे. उच्च पदस्थ IAS आणि IPS अधिकारीही आता राजकीय छत्राखाली राहून निर्णय घेतात. त्यामुळे एकीकडे लोक प्रशासनाकडून आशा सोडून देतात आणि दुसरीकडे अन्यायाविरुद्ध लढण्याचा निर्धारही हरवतो.
मराठी बाण्याचा अधःपात
कधीकाळी मराठी माणूस हा सत्यासाठी लढणारा, अन्यायाविरुद्ध आवाज उठवणारा म्हणून ओळखला जात असे. परंतु आज मराठी अस्मिता केवळ राजकीय बॅनरपुरती मर्यादित झाली आहे. जात आणि धर्माच्या नावाखाली जाती-धर्माचे विष पसरविणाऱ्या शक्तींचे समर्थन होताना दिसते.
गेल्या दशकभरात महाराष्ट्रात सांस्कृतिक, आर्थिक आणि सामाजिक क्षेत्रांत विस्कळीतता वाढली आहे. मुठभर लोकांच्या विलासितेसाठी आणि सत्तेच्या हव्यासासाठी सामान्य जनतेचे हाल होत आहेत.
गुन्ह्यांकडे पाहण्याची अनास्था
गुन्ह्यांमुळे गाजणाऱ्या महाराष्ट्रातील गावांना आणि शहरांना अनेक दशके झाली आहेत. परंतु न्यायव्यवस्था, प्रशासन आणि पोलीस यंत्रणा गळपटलेली दिसते. एका सरपंचाच्या हत्येने हलकीशी चर्चा झाली असेल, पण तीही विस्मृतीत जाणार, हे निश्चित आहे. कधीच लढण्याचा दांडगा इतिहास असलेल्या या राज्याला आता कुठल्याही अशांततेमुळे जाग येत नाही.
गरीबांचा अनंतरूपी मृत्यू
महाराष्ट्रात आर्थिक विषमता आता नवीन वळण घेत आहे. गरीब रोजच मरतोय – कधी कुपोषणामुळे, कधी अन्नधान्याच्या टंचाईमुळे, तर कधी आर्थिक संकटामुळे. ही मृत्यूची साखळी कुठे थांबणार आहे? यावर राजकीय विचारमंथनही होताना दिसत नाही. लोकांच्या मूलभूत गरजा, जसे आरोग्य, शिक्षण, आणि रोजगार यांवर सरकारच्या धोरणांचा अभाव आहे.
मराठी माणसाने स्वप्नांच्या मुळांना जपावे
१. सामाजिक जागृती
महाराष्ट्रात पुन्हा एकदा सामाजिक जागृतीची आवश्यकता आहे. लोकशाहीचा अर्थ फक्त मतदान नाही, तर अन्यायाविरुद्ध लढण्याचा निर्धार आहे. महाराष्ट्रातील जनतेने निष्क्रियतेचा स्वीकार न करता आपल्या हक्कांसाठी आवाज उठवायला हवा.
२. प्रशासनाची पारदर्शकता
राजकीय सत्तेला जबाबदार धरून प्रशासनाकडून पारदर्शकता आणि निष्पक्षता मिळवणे आवश्यक आहे. यासाठी लोकांचा सहभाग आणि चौकस माध्यमांची आवश्यकता आहे.
३. न्यायव्यवस्थेचा पुनर्विचार
न्यायालयीन प्रक्रियांना गती देणे आणि लोकांना विश्वास देणे यासाठी न्यायव्यवस्थेत सुधारणा होणे गरजेचे आहे.
४. नव्या पिढीचा सहभाग
युवकांमध्ये नेतृत्वगुण विकसित करून त्यांना देशाच्या समस्यांवर काम करण्यासाठी प्रोत्साहित केले पाहिजे. शिक्षण हे केवळ नोकरीसाठी नव्हे, तर समाजाला सुधारण्यासाठी असावे.
महाराष्ट्रासाठी नवीन दिशा
   आज महाराष्ट्र झोपला आहे, परंतु त्याला पुन्हा जागे करण्यासाठी प्रयत्न करावे लागतील. केवळ भूतकाळातील गौरवगाथांमध्ये रमून न जाता, भविष्याच्या दिशा ठरविण्यासाठी लोकांनी सजग व्हावे. अन्यायाविरुद्ध संघर्ष करण्यासाठी महाराष्ट्राला पुन्हा एकदा कणा मजबूत करावा लागेल.
     शूऽऽऽऽऽ… महाराष्ट्र झोपला आहे. परंतु ही झोप कायम राहणार नाही. नवीन महाराष्ट्राचे स्वप्न पुन्हा उभारायचे असेल, तर प्रत्येक नागरिकाला जागे होऊन जबाबदारी स्वीकारावी लागेल.

जळगाव जिल्ह्यातील सुप्रसिद्ध वकील ॲड. सचिन पुरुषोत्तम देशपांडे यांची भारत सरकारकडून नोटरी पदी नियुक्ती करण्यात आली आहे. त्यांच्या उल्लेखनीय कायदेविषयक कार्याचा सन्मान म्हणून ही जबाबदारी त्यांच्यावर सोपवण्यात आली आहे.
    सचिन देशपांडे गेल्या २५ वर्षांपासून जळगाव, पाचोरा आणि भडगाव येथे वकिली व्यवसायात

कार्यरत असून त्यांनी विविध प्रकारच्या गुन्हेगारी, नागरी, कौटुंबिक आणि जमीन विषयक प्रकरणांमध्ये यशस्वी कामगिरी केली आहे. त्यांच्या न्यायासाठी लढण्याच्या जिद्दीमुळे ते परिसरातील नागरिकांचे विश्वासार्ह नाव ठरले आहेत.
      नोटरी पदी नियुक्ती ही त्यांच्या प्रामाणिक आणि अभ्यासपूर्ण कार्याची पावती आहे. नोटरी म्हणून त्यांनी न्यायालयीन आणि कायदेशीर सेवा अधिक सक्षमपणे

पुरवण्याची संधी मिळाली आहे. त्यांच्या या नेमणुकीमुळे परिसरातील नागरिकांना कायदेशीर प्रक्रियेत सुलभता मिळेल, अशी अपेक्षा आहे.
      सचिन देशपांडे यांची ही नियुक्ती जिल्ह्यासाठी अभिमानाची बाब असून वकिली क्षेत्रात कार्यरत अनेकांसाठी ती प्रेरणादायक ठरेल.
    त्यांच्या बाबतीत अधिक माहिती अशी की सचिन पुरुषोत्तम देशपांडे: एक यशस्वी वकील व सामाजिक

सेवकाचा आदर्श प्रवास आहे
     सचिन पुरुषोत्तम देशपांडे हे जळगाव जिल्ह्यातील पाचोरा, भडगाव परिसरात आपल्या कार्यतत्परतेसाठी परिचित असलेले एक यशस्वी वकील आहेत. त्यांचा जीवनप्रवास शिक्षण, प्रामाणिकता, सेवा आणि निष्ठेचा आदर्श नमुना म्हणावा लागेल. गेल्या २५ वर्षांपासून ते वकिली व्यवसायात कार्यरत असून त्यांनी भडगाव, पाचोरा आणि जळगाव येथील अनेक नागरिकांना न्याय मिळवून

देण्यासाठी अथक परिश्रम घेतले आहेत.
      सचिन देशपांडे यांचे शालेय शिक्षण भडगाव येथील न्यू इंग्लिश स्कूलमध्ये झाले. तेथे त्यांनी दहावी व बारावीचे शिक्षण पूर्ण केले. यानंतर त्यांनी पाचोरा येथील एम. एम. कॉलेजमध्ये वाणिज्य शाखेतून (बी. कॉम) पदवी प्राप्त केली. उच्च शिक्षणासाठी ते जळगाव येथे गेले आणि माणियार कॉलेजमधून वकिलीचे शिक्षण पूर्ण केले. त्यांच्या

शिक्षणात त्यांनी कठोर परिश्रम व समर्पणाचे महत्त्व नेहमी जोपासले.
         सचिन देशपांडे यांनी आपल्या वकिली व्यवसायाची सुरुवात जळगाव येथून केली. आज त्यांचे कार्यालय जळगाव कोर्टसमोर आणि गाडगेबाबा नगर येथे आहे. त्यांच्या कार्यक्षेत्राचा विस्तार पाचोरा आणि भडगावपर्यंत झाला आहे. त्यांनी गेल्या २५ वर्षांमध्ये हजारो प्रकरणे हाताळली आहेत, ज्यामध्ये त्यांनी निःस्वार्थपणे

लोकांना न्याय मिळवून देण्याचे काम केले आहे.
    सचिन देशपांडे यांनी आपल्या कारकिर्दीत विविध प्रकारची प्रकरणे हाताळली आहेत. गुन्हेगारी प्रकरणे, नागरी तंटे, कौटुंबिक वाद, जमीन संपत्तीचे विवाद, औद्योगिक प्रश्न आदी अनेक विषयांवर त्यांनी यशस्वीपणे मार्ग काढला आहे. त्यांच्या अभ्यासू वृत्तीमुळे ते अनेक प्रकरणांमध्ये यशस्वी ठरले आहेत. त्यांनी कायद्याची सखोल माहिती आणि त्याचा योग्य उपयोग

करून आपल्या कार्यक्षेत्रात एक आदर्श उभा केला आहे.
   वकिली व्यवसायाबरोबरच सचिन देशपांडे सामाजिक कार्यातही सक्रिय असतात. त्यांनी अनेक वेळा गरजू लोकांना विनामूल्य कायदेशीर सल्ला दिला आहे. तसेच, शैक्षणिक आणि सामाजिक उपक्रमांमध्येही त्यांनी सहभाग घेतला आहे. त्यांच्या कार्यालयात नेहमीच सल्लामसलतीसाठी गर्दी असते, कारण लोक

त्यांच्याकडे त्यांच्या मार्गदर्शनासाठी विश्वासाने येतात.
सचिन देशपांडे यांची कार्यतत्परता आणि अनुभव हे त्यांचे प्रमुख वैशिष्ट्य आहे. गेल्या २५ वर्षांत त्यांनी जळगाव, पाचोरा आणि भडगाव येथे आपल्या सेवांद्वारे एक वेगळी ओळख निर्माण केली आहे. त्यांच्या संयमी स्वभावाने, अभ्यासू वृत्तीने आणि व्यावसायिक प्रामाणिकतेने ते आपल्या क्षेत्रात एक आदर्श ठरले आहेत.
     सचिन देशपांडे यांचे उद्दिष्ट फक्त व्यवसायिक प्रगतीपुरते

मर्यादित नाही; तर त्यांनी समाजसेवेचा वसा उचलला आहे. त्यांच्या मते, कायदा हा केवळ तांत्रिक बाबींचा विषय नसून तो समाजाला योग्य दिशा देण्यासाठीचा आधार आहे. त्यांनी पुढील काळात अधिक गरजू लोकांसाठी विनामूल्य कायदेशीर मदत उपलब्ध करून देण्याचा संकल्प केला आहे.
      त्यांच्या उल्लेखनीय योगदानाबद्दल सचिन देशपांडे यांना अनेक मान-सन्मान प्राप्त झाले आहेत. त्यांनी

वकिली क्षेत्रात मिळवलेली प्रतिष्ठा ही त्यांच्या कठोर मेहनतीचे आणि प्रामाणिक सेवाभावाचे प्रतीक आहे.
   सचिन पुरुषोत्तम देशपांडे हे एक निष्ठावंत वकील आणि समाजसेवक आहेत. त्यांच्या शिक्षण, अनुभव आणि समाजसेवेचा प्रवास हा नव्या पिढीला प्रेरणा देणारा आहे. त्यांच्या न्यायासाठी लढण्याच्या जिद्दीमुळे ते पाचोरा, भडगाव आणि जळगाव परिसरातील जनतेसाठी एक विश्वासार्ह नाव बनले आहेत.
    त्यांच्या कार्याची पताका यापुढेही उंच राहो, अशी अपेक्षा आहे.

पाचोरा तालुका सहकारी शिक्षण संस्थेतर्गत संचालित श्री शेठ मुरलीधरजी मानसिंगका साहित्य, विज्ञान व वाणिज्य महाविद्यालय, पाचोरा, जि. जळगाव येथे वार्षिक सांस्कृतिक महोत्सव व क्रीडा स्पर्धा उत्साहात साजरी होणार आहे. या कार्यक्रमाचे आयोजन 16 व 17 जानेवारी 2025 रोजी करण्यात आले आहे.
     कार्यक्रमाची सुरुवात 16 जानेवारी

2025, गुरुवारी सकाळी 10.30 वाजता होणार असून उद्घाटन सोहळ्यासाठी विविध मान्यवर उपस्थित राहणार आहेत. उद्घाटनाचे अध्यक्षस्थान मा. दादासाहेब सुभाषजी तोतला (चेअरमन, कनिष्ठ महाविद्यालय व्यवस्थापन समिती) भूषविणार आहेत, तर उद्घाटक म्हणून

मा. अशोक पवार साहेब (पोलीस निरीक्षक, पाचोरा) उपस्थित राहतील.
   यासोबतच प्रमुख पाहुण्यांमध्ये मा. दादासाहेब खलील दादामियाँ देशमुख (चेअरमन, व्यवस्थापन समिती, श्री. गो. से. हायस्कूल, पाचोरा), मा. भाईसाहेब दुष्यंतभाई रावल (संचालक, पाचोरा तालुका सहकारी शिक्षण संस्था) आणि मा. प्राचार्य प्रा. डॉ. शिरीष बुधा पाटील (एस.एस.एम.एम. महाविद्यालय,

पाचोरा) यांचा समावेश असेल.
    कार्यक्रमात विद्यार्थ्यांसाठी विविध कला व कौशल्यविषयक स्पर्धांचे आयोजन करण्यात आले आहे. यामध्ये बुद्धीमापन, वादविवाद, वक्तृत्व, काव्यवाचन, गीतगायन, रांगोळी, डिश डेकोरेशन, शेला-पागोटा, वेशभूषा आणि नृत्य स्पर्धा यांचा समावेश आहे. या स्पर्धा 16 जानेवारी रोजी सकाळी 11.00 ते दुपारी 4.00 या वेळेत संपन्न होणार आहे
     17 जानेवारी 2025, शुक्रवारी

सकाळी 10.00 वाजता सांस्कृतिक कार्यक्रम आणि क्रीडा स्पर्धांचे पारितोषिक वितरण समारंभ होईल. यावेळी अध्यक्ष म्हणून मा. भाऊसाहेब दिलीप ओंकार वाघ (आमदार, पाचोरा-भडगाव) उपस्थित राहतील. याशिवाय मा. डॉ. सदाशिव सूर्यवंशी (प्रसिद्ध व्याख्याते व गझलकार, धुळे) आणि मा. धनंजय येरूळे साहेब (उपविभागीय पोलीस अधिकारी, पाचोरा) हे मान्यवर प्रमुख पाहुणे म्हणून

लाभले आहेत.
     कार्यक्रमाच्या यशस्वीतेसाठी महाविद्यालयाच्या व्यवस्थापन समितीने विशेष प्रयत्न केले आहेत. या समितीमध्ये मा. नानासाहेब संजय ओंकार वाघ (चेअरमन), मा. नानासाहेब व्ही.टी. जोशी (व्हा. चेअरमन, तसेच सिनेट सदस्य, क.ब.चौ.उ.म.वि., जळगाव), मा. दादासाहेब अॅड. महेश देशमुख (मानद सचिव) आणि अन्य मान्यवरांचा समावेश आहे.
     कार्यक्रमाचे संयोजन प्रा. डॉ. शिरीष बुधा पाटील (प्राचार्य), प्रा. डॉ. वासुदेव सोमाजी वले (उपप्राचार्य), डॉ. शरद पाटील (IQAC समन्वयप्रा.क), तसेच सांस्कृतिक व क्रीडा विभागाचे प्रमुख प्रा. डॉ. अतुल सूर्यवंशी व प्रा. राजेश वळवी यांच्यासह समस्त प्राध्यापक व कर्मचारी

वर्गाकडून करण्यात आले आहे.
     सांस्कृतिक महोत्सवाच्या आयोजनामागील उद्देश विद्यार्थ्यांच्या सृजनशीलतेला वाव देणे, त्यांच्यातील कलागुणांना प्रोत्साहन देणे आणि सांस्कृतिक चैतन्य वृद्धिंगत करणे हा आहे.
   स्थळ: महाविद्यालय मुख्य इमारत, भगवंत रोड, पाचोरा
वेळ: 16 व 17 जानेवारी 2025, सकाळी 10.30 वाजता
   महाविद्यालय प्रशासनाने या भव्य कार्यक्रमासाठी सर्व विद्यार्थी, पालक, शिक्षक व स्थानिक नागरिकांना आवाहन केले आहे की, या सांस्कृतिक सोहळ्यात सहभागी होऊन विद्यार्थ्यांचा उत्साह द्विगुणित करावा. असे आवाहन महाविद्यालयाच्या वतीने करण्यात आले आहे

पाचोरा – शहरातील तलाठी कॉलनी येथे उभारण्यात येत असलेल्या अवध इंजिनियरिंग अँड डेव्हलपर्स या प्रतिष्ठित प्रकल्पाच्या फेस 2, 3BHK लक्झरी बंगलो प्रकल्पाचा भूमिपूजन सोहळा गुरुवारी, दि. 16 जानेवारी 2025 रोजी सकाळी 9.30 वाजता होणार आहे.
या प्रकल्पाच्या बांधकामासाठी

अत्याधुनिक तंत्रज्ञान आणि आराखड्यांचा अवलंब करण्यात येत असून, ग्राहकांच्या अपेक्षांना आणि आवश्यकता पूर्ण करण्यावर भर देण्यात आला आहे. हा प्रकल्प श्रद्धा मार्बलच्या मागे, भडगाव रोड, पाचोरा येथे उभारला जात आहे.
कार्यक्रमाचे आयोजक आणि प्रमुख सल्लागार:
या प्रकल्पाच्या यशस्वी वाटचालीसाठी तज्ञ मार्गदर्शकांची साथ मिळाली आहे. यामध्ये:
दिनेश पाटील सर (प्रसिद्ध वास्तूतज्ञ)
Er. कौस्तुभ पाटील (RCC डिझायनर)
शैलेश खंडेलवाल (श्रद्धा मार्बलचे व्यवस्थापक)
प्रकल्पाची वैशिष्ट्ये:
प्रकल्पामध्ये आधुनिक डिझाईन्स, प्रशस्त जागा, उच्च दर्जाचे बांधकाम

साहित्य आणि ग्राहक केंद्रित योजना यांचा समावेश आहे. तसेच या प्रकल्पाचे लोकेशन अत्यंत सोयीस्कर असून, येथील शांततामय वातावरण हे अधिक आकर्षणाचा केंद्रबिंदू ठरणार आहे.
आपल्या उपस्थितीची विनंती:
सदर कार्यक्रमाच्या यशस्वी आयोजनासाठी आपली उपस्थिती आणि शुभाशीर्वाद महत्त्वाचे ठरणार आहेत. कार्यक्रमानंतर उपस्थितांसाठी अल्पोहाराची विशेष व्यवस्था करण्यात आली आहे.
विनीत
मोबा. 9420109477 / 9420347951
“अवध इंजिनियरिंग अँड डेव्हलपर्स” पाचोरा.

पाचोरा – शहर के वरिष्ठ व्यक्तित्व, श्री गो. से. हाईस्कूल के पूर्व पर्यवेक्षक और पाचोरा जैन श्रावक संघ के वरिष्ठ सदस्य स्व. भिकचंद कपुरचंद मुथा ने 15 जनवरी 2025 को सुबह 5 बजे 76 वर्ष की आयु में अंतिम सांस ली। उनके निधन से पाचोरा शहर ने एक निस्वार्थ सेवाभावी, आदर्श शिक्षक और समाज का सच्चा आधारस्तंभ खो दिया है।
        अंतिम यात्रा का मूक साक्षी
स्व. मुथा सर की अंतिम यात्रा आज दोपहर 3:30 बजे संघवी कॉलोनी स्थित निवास स्थान से निकलेगी। उनके अंतिम संस्कार में शहर के विभिन्न क्षेत्रों के गणमान्य व्यक्ति, जैन समाज के प्रमुख सदस्य और आम नागरिक बड़ी संख्या में शामिल होंगे। उनके कार्यों की याद में सभी ने उन्हें श्रद्धांजलि दी है। साप्ताहिक झुंज और ध्येय न्यूज परिवार भी इस दुख की घड़ी में सहभागी है और उनके परिवार को सांतवना प्रदान करने के लिए ईश्वर से प्रार्थना करता है।
      स्वतंत्रता सेनानी पिता की प्रेरणा और परिवार की जिम्मेदारी
    स्व. मुथा सर स्वतंत्रता सेनानी स्व. कपुरचंद नथमल मुथा के ज्येष्ठ सुपुत्र थे। उनके पिता ने देश के लिए जो योगदान दिया, वह स्व. मुथा सर के जीवन में प्रेरणा स्रोत बना। पिता के निधन के बाद उन्होंने अपने माता-पिता की भूमिका निभाते हुए अपनी मां, चार भाइयों और एक बहन की जिम्मेदारी अपने कंधों पर ले ली। परिवार के हर सदस्य की शिक्षा, नौकरी और विवाह की आवश्यकताएं उन्होंने निस्वार्थ रूप से पूरी कीं।
      बच्चों को स्वावलंबन का पाठ
स्व. मुथा सर ने अपने तीन बेटों – दीपक, रवि, और चेतन – को स्वावलंबन का पाठ पढ़ाया। उन्होंने अपने बेटों को स्कूल के दिनों से ही व्यवसाय का महत्व समझाया। उनके मार्गदर्शन में बेटों ने “अपेक्षित” और “बालविद्या” जैसी शैक्षिक सामग्री बेचने का कार्य शुरू किया। बाद में, उन्होंने “सत्यम पुस्तकालय” नामक एक प्रतिष्ठित व्यवसाय स्थापित किया, जो न केवल पाचोरा बल्कि पूरे जलगांव जिले में अपनी पहचान बना चुका है।
      शिक्षा और जरूरतमंद छात्रों के लिए योगदान
    श्री गो. से. हाईस्कूल में पर्यवेक्षक के रूप में काम करते हुए स्व. मुथा सर ने छात्रों की शैक्षणिक उन्नति के लिए कई पहल कीं। उन्होंने जरूरतमंद छात्रों को किताबें, कॉपियां और कपड़े वितरित किए। उनकी मदद का उद्देश्य केवल समाज को शिक्षा के प्रति जागरूक करना था। उन्होंने कई गरीब बच्चों को गोद लिया और उनकी शिक्षा पूरी होने तक उनकी मदद की। इस काम का कभी उन्होंने प्रचार नहीं किया।
     अन्नछत्र, पनपोई और ठंड में जरूरतमंदों की मदद
    बस स्टैंड के पास की पनपोई और जामनेर रोड पर अन्नछत्र स्व. मुथा सर की समाज सेवा के प्रतीक थे। इन दोनों उपक्रमों के माध्यम से उन्होंने प्यासे और भूखे लोगों की मदद की। सर्दियों में गरीबों को राहत पहुंचाने के लिए वे रात में कंबल लेकर निकलते थे। जहां भी ठंड में ठिठुरते हुए लोग दिखते, वे उनके ऊपर कंबल डालकर आगे बढ़ जाते। यह सेवा उन्होंने अपने अंतिम समय तक जारी रखी।
    जैन समाज के प्रति विशेष योगदान
पाचोरा जैन श्रावक संघ के वरिष्ठ सदस्य के रूप में उन्होंने धार्मिक कार्यों में महत्वपूर्ण भूमिका निभाई। वर्धमान नागरी सहकारी पतसंस्था के सलाहकार के रूप में भी उन्होंने अपने अनुभव का लाभ समाज को दिया। जाति, धर्म या वर्ग का भेदभाव किए बिना उन्होंने हर जरूरतमंद की मदद की, जिससे उन्हें समाज में अपार सम्मान मिला।
     उनका अजातशत्रु व्यक्तित्व
स्व. मुथा सर वास्तव में अजातशत्रु थे। उनके व्यक्तित्व में निस्वार्थता और सादगी का अनूठा मेल था। उन्होंने अपने कार्य को कभी भी बड़ा दिखाने का प्रयास नहीं किया, बल्कि इसे समाज की भलाई के लिए किया। उनके शांत और सौम्य स्वभाव ने उन्हें सभी का प्रिय बना दिया।
      श्रद्धांजलि और स्मरण
स्व. भिकचंद कपुरचंद मुथा को श्रद्धांजलि अर्पित करते हुए यह कहना उचित होगा कि उनकी सेवाभावी सोच और कर्तव्यनिष्ठा का अनुसरण करना ही उनके प्रति सच्ची श्रद्धांजलि होगी। उनका निधन समाज के लिए अपूरणीय क्षति है, लेकिन उनकी शिक्षाएं और योगदान सदैव प्रेरणादायक बने रहेंगे।
ईश्वर उनकी आत्मा को शांति प्रदान करें।

पाचोरा – तालुक्यातील पत्रकारांनी सामाजिक बांधिलकी जपण्यासाठी आणि लोकांशी अधिक जवळीक साधण्यासाठी तयार केलेल्या “आय लव्ह पाचोरा दिनदर्शिका २०२५” चे प्रकाशन पाचोरा-भडगाव विधानसभेचे आमदार किशोरआप्पा पाटील यांच्या

हस्ते अत्यंत भव्य आणि दिमाखदार पद्धतीने करण्यात आले. या विशेष प्रसंगी तालुक्यातील नामांकित

पत्रकार, समाजसेवक आणि मान्यवरांची उपस्थिती होती.
     यावेळी मंचावर व्हाईस ऑफ मीडियाचे तालुका अध्यक्ष नंदकुमार शेलकर, तालुका सल्लागार लक्ष्मण आबा सूर्यवंशी, कार्याध्यक्ष राहुल महाजन, शहर अध्यक्ष प्रविण बोरसे, शहर उपाध्यक्ष प्रशांत येवले, शहर संघटक दिलीप परदेशी, शहर सचिव निखिल मोर, तसेच पत्रकार जावेद शेख यांची उपस्थिती होती.
         आय लव्ह पाचोरा दिनदर्शिका तयार करण्यामागे पत्रकारांची

मेहनत आणि एकजूट दिसून येते. 12 पानांच्या या दिनदर्शिकेत सामाजिक, सांस्कृतिक, शैक्षणिक आणि व्यावसायिक क्षेत्रातील महत्त्वाची माहिती तसेच जाहिरातींमधून लोकांपर्यंत संदेश पोहोचविण्याचा उद्देश साधण्यात आला आहे.
विशेषतः, दिनदर्शिका तयार करण्यासाठी माहिती संकलन, रचना, मुद्रण आणि व्यवस्थापनाची जबाबदारी

पत्रकार प्रवीण बोरसे आणि पत्रकार दिलीप परदेशी यांनी यशस्वीरीत्या पार पाडली. त्यांचे कार्य कौतुकास्पद असल्याचे सर्वांनी नमूद केले.
  आमदार किशोरआप्पा पाटील यांनी पत्रकारांच्या या प्रयत्नाचे भरभरून कौतुक केले. ते म्हणाले, “आय लव्ह पाचोरा दिनदर्शिका हा पाचोरा

तालुक्यातील एक आगळावेगळा उपक्रम असून पत्रकारांच्या एकजुटीचे द्योतक आहे. अशा उपक्रमांमुळे समाजात सकारात्मक संदेश जातो आणि पत्रकारितेची खरी ताकद जाणवते.”
यावेळी त्यांनी पत्रकारांच्या योगदानाला

सलाम करत त्यांच्यासोबत संवाद साधला व त्यांचे विचार ऐकले.
       प्रकाशन सोहळ्याला पाचोरा कृषी उत्पन्न बाजार समितीचे सभापती गणेशबापु पाटील, प्रवीण ब्राह्मणे, सुनील शिंदे यांच्यासह तालुक्यातील विविध क्षेत्रातील मान्यवर उपस्थित होते. सर्वांनीच दिनदर्शिकेच्या गुणवत्ता आणि त्यामागील कष्टाची प्रशंसा केली.
     पत्रकार केवळ बातम्या

पुरवण्यापलीकडे जाऊन समाजउपयोगी उपक्रम राबवू शकतात, हे या दिनदर्शिकेच्या माध्यमातून सिद्ध झाले. आय लव्ह पाचोरा या नावाने जसे पाचोरा तालुक्यावरील प्रेम अधोरेखित होते, तसेच पत्रकारांनी केलेल्या अथक

परिश्रमातून एक आदर्श निर्माण केला आहे.
    हा प्रकाशन सोहळा पाचोरा तालुक्याच्या पत्रकारितेच्या इतिहासात एक महत्त्वपूर्ण अध्याय ठरेल, अशी भावना सर्व उपस्थितांनी व्यक्त केली. “आय लव्ह पाचोरा दिनदर्शिका २०२५” तालुक्यातील जनतेसाठी अत्यंत उपयुक्त ठरेल, असा विश्वास यावेळी व्यक्त करण्यात आला.

पाचोरा – राष्ट्रीय शैक्षणिक धोरणावर ऐनपूर महाविद्यालयात कार्यशाळा उत्साहात संपन्न
ऐनपूर: येथील सरदार वल्लभभाई पटेल कला व विज्ञान महाविद्यालय आणि कवयित्री बहिणाबाई चौधरी उत्तर महाराष्ट्र विद्यापीठ जळगाव यांच्या संयुक्त विद्यमाने राष्ट्रीय शैक्षणिक धोरणावर कार्यशाळा उत्साहात संपन्न झाली. सदर कार्यशाळेचे उद्घाटन प्रा. विजय माहेश्वरी, कुलगुरू,कवयित्री बहिणाबाई चौधरी उत्तर महाराष्ट्र जळगाव यांच्या शुभहस्ते भागवत विश्वनाथ पाटील यांच्या अध्यक्षतेखाली संपन्न झाले. रोजगाराभिमुख व कौशल्यधिष्टित पिढी निर्माण करणारे राष्ट्रीय शैक्षणिक धोरण -२०२० आहे.भारतीय ज्ञान परंपरा, आंतरवासियता, प्रशिक्षण, जबाबदारी इत्यादी वैशिष्ट्ये असलेले हे शैक्षणिक धोरण आहे असे प्रतिपादन कुलगुरू प्रा विजय माहेश्वरी यांनी उद्घाटनप्रसंगी केले.प्रास्ताविक महाविद्यालयाचे प्राचार्य डॉ जे बी अंजने यांनी केले. तर पाहुणे परीचय कार्यशाळेचे समन्वयक डॉ एस ए पाटील यांनी केले.कार्यक्रमाचे अध्यक्ष भागवत भाऊ पाटील यांनी सांगितले की आमचे महाविद्यालय जरी ग्रामीण असले तरी आम्ही शैक्षणिक धोरणाची प्रभावीपणे अंमलबजावणी करु .प्रथम सत्रात वाणिज्य व व्यवस्थापन शाखेचे अधिष्ठाता प्रा अनिल डोंगरे यांनी राष्ट्रीय शैक्षणिक धोरणाचे स्पिरीट या विषयावर दुसऱ्या सत्रात प्रा एस आर चौधरी , कवयित्री बहिणाबाई चौधरी उत्तर महाराष्ट्र विद्यापीठ जळगाव यांनी कौशल्य पूर्ण व्यावसायिक अभ्यासक्रम या विषयावर मार्गदर्शन केले तसेच तिसऱ्या सत्रात प्रा राजेश जवळेकर, संचालक, नवोपक्रम,नवसंशोधन आणि साहचर्य मंडळ कबचौउमवि जळगाव यांनी आंतरवासियता व प्रशिक्षण या विषयावर तर चौथ्या सत्रात प्रा जगदीश पाटील, प्रभारी अधिष्ठाता मानव्य विद्याशाखा यांनी भारतीय ज्ञान परंपरा व राष्ट्रीय शैक्षणिक धोरणाची रचना या विषयावर मार्गदर्शन केले. समारोप चेअरमन श्री श्रीराम पाटील,सचिव संजय पाटील, प्राचार्य डॉ जे बी अंजने यांच्या उपस्थितीत संपन्न झाला.कार्यक्रम यशस्वीतेसाठी समन्वय डॉ एस ए पाटील,व प्राचार्य डॉ जे बी अंजने यांच्या मार्गदर्शनाखाली सर्व प्राध्यापक व शिक्षकेतर कर्मचारी यांनी मेहनत घेतली . परिसरातीलमहाविद्यालयातील प्राचार्य,प्राध्यापक, विद्यार्थी व पालक असे एकूण १६७ व्यक्तींनी या कार्यशाळेचा लाभ घेतला . कार्यक्रमाचे सूत्रसंचालन प्रा डॉ जे पी नेहते व प्रा डॉ डी बी पाटील यांनी केले आभार उप प्राचार्य डॉ एस एन वैष्णव यांनी केले

पाचोरा, जि. जळगाव – राष्ट्रीय विधी सेवा प्राधिकरण, नवी दिल्ली; महाराष्ट्र राज्य विधी सेवा प्राधिकरण, मुंबई; जिल्हा विधी सेवा प्राधिकरण, जळगाव; आणि तालुका विधी सेवा समिती पाचोरा तसेच पाचोरा वकिल संघ यांच्या संयुक्त विद्यमाने विधी सेवा महाशिबिर व शासकीय सेवा योजना महामेळावा आयोजित करण्यात आला आहे. हा उपक्रम “न्यायालय आपल्या दारी” या संकल्पनेवर आधारित असून, रविवार, दिनांक १९ जानेवारी २०२५ रोजी सकाळी १० वाजता निर्मल इंटरनॅशनल स्कूल, अंतुर्ली, भडगाव रोड, पाचोरा येथे संपन्न होणार आहे.
   या कार्यक्रमाबाबत माहिती देण्यासाठी दि. १३ जानेवारी रोजी दिवाणी न्यायालय पाचोरा येथे पत्रकार परिषद आयोजित करण्यात आली होती. यामध्ये दिवाणी न्यायाधीश जी. बी. औंधकर, सह दिवाणी न्यायाधीश श्री. एस. व्ही. निमसे, सह दिवाणी न्यायाधीश श्रीमती जी. एस. बोरा, तसेच वकील संघाचे अध्यक्ष अॅड. प्रविण पाटील व इतर वकील बांधव उपस्थित होते. या परिषदेत न्या. जी. बी. औंधकर यांनी पत्रकारांना कार्यक्रमाचे स्वरूप, उद्दिष्ट आणि महत्त्व याबद्दल सविस्तर माहिती दिली.
    न्या. औंधकर यांनी सांगितले की, “न्यायालय आपल्या दारी” या संकल्पनेच्या माध्यमातून समाजातील सर्व घटकांपर्यंत न्याय व शासकीय योजनांचा लाभ पोहोचवण्याचा प्रयत्न केला जात आहे. “शासन आपल्या दारी” योजनेच्या धर्तीवर नागरिकांना शासकीय योजनांचे लाभ सुलभपणे मिळावेत आणि त्यांना कायदेशीर सहाय्यही उपलब्ध व्हावे, या उद्देशाने हा उपक्रम हाती घेण्यात आला आहे.
    या महाशिबिराचे उद्घाटन सन्माननीय पालक न्यायमूर्ती श्री. मंगेश एस. पाटील व सन्माननीय पालक न्यायमूर्ती श्री. अभय एस. वाघवसे, उच्च न्यायालय, औरंगाबाद यांच्या शुभहस्ते होणार आहे.
कार्यक्रमाच्या अध्यक्षस्थानी मा. श्री. एस. क्यु. एस. एम. शेख, प्रमुख जिल्हा व सत्र न्यायाधीश तथा अध्यक्ष, जिल्हा विधी सेवा प्राधिकरण, जळगाव हे राहणार आहेत.
   प्रमुख अतिथी म्हणून मा. आयुष प्रताप सिंह, जिल्हाधिकारी, जळगाव; मा. डॉ. महेश्वर रेड्डी, पोलीस अधीक्षक, जळगाव; आणि मा. अॅड. अमोल सावंत, पालक सदस्य, महाराष्ट्र बार कौन्सिल उपस्थित राहणार आहेत.
      विधी सेवा महाशिबिरामध्ये न्यायालयीन यंत्रणा व शासकीय योजना यांचा प्रभावी मेळ साधला जाणार आहे. या शिबिरामध्ये नागरिकांना विविध योजनांची माहिती, अर्ज प्रक्रिया, लाभ घेण्याच्या अडचणी आणि त्यावरील उपाय यासंदर्भात मार्गदर्शन करण्यात येणार आहे.
1. न्याय सहाय्य: वंचित व गरजू नागरिकांना मोफत कायदेशीर सल्ला व सेवा.2. शासकीय योजना व माहिती: महसूल, कृषी, वीज वितरण, आरोग्य, परिवहन, शिक्षण, पालिका विभाग, व इतर शासकीय योजनांविषयी सविस्तर माहिती.
3. प्रमाणपत्रे व कागदपत्रे: शासनाच्या योजनांसाठी आवश्यक असलेली कागदपत्रे, अर्ज प्रक्रिया आणि पात्रतेबद्दल माहिती.2. शासकीय योजना व माहिती: महसूल, कृषी, वीज वितरण, आरोग्य, परिवहन, शिक्षण, पालिका विभाग, व इतर शासकीय योजनांविषयी सविस्तर माहिती.
3. प्रमाणपत्रे व कागदपत्रे: शासनाच्या योजनांसाठी आवश्यक असलेली कागदपत्रे, अर्ज प्रक्रिया आणि पात्रतेबद्दल माहिती.    यामध्ये विविध शासकीय विभागांचे स्वतंत्र स्टॉल्स उभारले जातील, जिथे नागरिकांना थेट संवाद साधता येईल.
    महिलांसाठी, ज्येष्ठ नागरिकांसाठी, शेतकऱ्यांसाठी, दिव्यांग व्यक्तींसाठी व आर्थिकदृष्ट्या दुर्बल घटकांसाठी विशेष सुविधा उपलब्ध करून देण्यात येणार आहेत.
    सर्व शासकीय विभागांचे वरिष्ठ अधिकारी व कर्मचारी उपस्थित राहणार असून, नागरिकांच्या समस्या ऐकून त्या सोडवण्यासाठी प्रयत्न केले जातील.
   शासनाच्या विविध योजनांचे लाभ जसे की वीज बिल सवलत, कृषी अनुदान, शिक्षण विषयक योजना, अपंगांसाठी सेवा, महिला कल्याण योजना, आरोग्यविषयक सेवा व इतर अनेक सुविधांचा लाभ मिळवून देण्याचा या शिबिराचा उद्देश आहे.
   विविध योजना लाभार्थींसाठी उपस्थित राहणारे प्रमुख अधिकारी – जिल्हाधिकारी, प्रांताधिकारी, तहसीलदार, गटविकास अधिकारी, आरटीओ, मुख्याधिकारी, गटशिक्षणाधिकारी, तसेच जिल्ह्यातील सर्व न्यायाधीश.
         हे महाशिबिर जळगाव जिल्ह्यातील पहिलेच असून नागरिकांनी मोठ्या संख्येने उपस्थित राहून या उपक्रमाचा लाभ घ्यावा, असे आवाहन आयोजकांनी केले आहे. शासनाच्या योजनांचा कोणताही लाभार्थी वंचित राहू नये हा या उपक्रमाचा मुख्य उद्देश आहे.
   कार्यक्रमाचे आयोजक:
मा. जी. बी. औंधकर, अध्यक्ष, तालुका विधी सेवा समिती, पाचोरा; मा. एस. पी. सय्यद, सचिव, जिल्हा विधी सेवा प्राधिकरण, जळगाव; अॅड. प्रविण पाटील, अध्यक्ष, तालुका वकिल संघ, पाचोरा.
      संपर्क व अधिक माहिती:
महाशिबिरासंदर्भातील अधिक माहितीसाठी व मार्गदर्शनासाठी वकील संघाचे प्रतिनिधी, तालुका विधी सेवा समिती सदस्य, तसेच शासकीय विभागांशी संपर्क साधण्याचे आवाहन करण्यात आले आहे.

भडगांव : शेतकरी सहकारी संघ संचलिका मा. नगरसेविका योजनाताई पाटील यांचे नववर्ष २०२५ दिनदर्शिकेचे प्रकाशन निर्मल सिडस् संचालिका तथा शिवसेना नेत्या वैशालीताई सूर्यवंशी यांचे हस्ते भडगांव शिवसेना मध्यवर्ती कार्यालयात संपन्न झाले. प्रकाशन प्रसंगी वैशालीताई सूर्यवंशी यांनी नूतनवर्ष सर्वाना सुख समृद्धी, यश प्रगती व आरोग्यदायी जावो या शुभेच्छा दिल्या. तसेच योजना पाटील यांच्या उपक्रमाचे कौतुक केले. सदर प्रसंगी मा. नगरसेवक मनोहरभाऊ चौधरी, ज्येष्ठ शिवसैनिक गोरख दादा पाटील, वंदे मातरम् प्रतिष्ठान अध्यक्ष विजय साळुंखे, युवासेना ता. प्रमुख चेतन पाटील, शहर प्रमुख चेतन पाटील, संघटक जिभाऊ महाजन, महीला जि. उपप्रमुख पुष्पाताई परदेशी, ता. उपप्रमुख गायत्री बिरारी, शहर उपप्रमुख सुरेखा वाघ, संघटक सोनाली चौधरी, समन्वयक योगेश पाटील, विश्वनाथ पाटील, उपप्रमुख पृथ्वीराज पाटील, शहर संघटक रोनित अहिरे, ता. संघटक भैय्या राजपूत, शहर उपप्रमुख यश बिरारी, संघटक रितेश महाजन, नवल राजपूत, सत्यजित पाटील, संकेत सोमवंशी, हेमंत पाटील आदी मान्यवर पदाधिकारी कार्यकर्ते उपस्थित होते.